بھٹکل:22/اپریل (ایس او نیوز)موسمیات میں ہورہی تبدیلیوں کے نتیجے میں اتوار کو سمندرمیں طوفانی ہواؤں اور موجوں کی وجہ سے ساحلی مکینوں  میں خوف گھر کرگیا ہے ، مکین سنامی کی یاد تازہ کرتے ہوئے گھبرائے ہوئے دیکھے گئے۔ 

ہواکا دباؤ اتنا شدید ہے کہ لہریں ساحل پھلانگ کر راستے کنارے پہنچ رہی ہیں، تعلقہ کے ماوین کوروے تلگوڈ، منڈلی ، نستار سمیت کئی جگہوں پر لہروں کا پانی سڑکوں پر بہتا نظر آیا۔ گورٹے اور سوڈی گدے میں موجیں گھروں میں گھسنے کا خطرہ ظاہرکیا جارہاہے۔ تنگن گنڈی کے ہونے گدے میں بھی پانی سڑکوں پردیکھا گیا ، سمندر کنارے کھڑی کی گئی تین چار چھوٹی ماہی گیر کشتیاں لہروں کی مار سے بہہ جانے کی اطلاعا ت موصول ہوئی ہیں۔

بھٹکل بندرپر موجوں کی مار سے ساحل پرلنگرڈالے ہوئے کشتیوں کو باندھی گئی رسیاں بھی ٹکڑے ٹکڑے ہوگئیں ہیں، کشتیوں کو بھی نقصان پہنچا ہےاور خطرے سے بچنے کے لئے ساحل پر لنگر ڈالی ہوئی چند کشتیاں ندی اور سمندر کا رخ کرنےکی ذرائع نے خبردی ہے۔ سمندری کٹاؤ کو روکنے کے لئے ڈالے گئے بڑے بڑے پتھر طوفانی لہروں کی مار سے سمندر کے حوالے ہوگئے ہیں۔ ان سب حالات سے ساحلی مکین گھبرائے ہوئے محفوظ مقام کی تلاش میں رہنے کی بات کہی جارہی ہے۔ مکینوں سے بات کریں تو سابق ہوئی سنامی حادثات کو یاد کررہے ہیں۔ سینکڑوں لوگ ساحل پر جمع ہوئے ہیں ۔محکمہ موسمیات کی طرف سے ہدایات جاری کرتے ہوئے کہاگیا ہےکہ سمندری دباؤمیں کمی بیشی ہورہی ہے کوئی ماہی گیر بھی سمندر میں نہ اتریں۔

ماہی گیر لیڈر اتوار کے سمندری حالات کے متعلق کہاکہ آج جس طرح سمندر میں دیکھی گئی لہریں ،ہمیں سنامی کی یاد دلاتی ہیں۔ مجبوری ہے کہ ہم کہیں جابھی نہیں سکتے ، یہیں رہ کر حالات کا مقابلہ کرنا ہے۔