گاندھی نگر 12/ جنوری (ایس او نیوز/ ایجنسی) ریزرو بینک آف انڈیا (آر بی آئی) کے گورنر ارجیت پٹیل نوٹ بندي کے معاملے پر سوال کرنے کے انتظار میں بیٹھے صحافیوں کی فوج سے بچ کر بھاگ نکلے. بتایا گیا ہے کہ ارجیت پٹیل مہاتما مندرپہنچےتھے. یہ وہی جگہ ہے، جہاں آٹھواں گجرات کانفرنس جاری ہے اور منگل کووزیراعظم نریندرمودی نے اس کانفرنس  کا افتتاح کیا تھا.

پرنٹ اور الیکٹرانک میڈیا کےنامہ نگارو ں کا ایک بڑا گروپ  وہاں جمع  تھا جو پہلے نچلے حصے میں آر بی آئی گورنرکےباہر نکلنے کا انتظار کر رہا تھا. مگر میڈیا والوں سے بچنے کے لئے ارجیت پٹیل  پچھلے دروازے سے نکل لئے. جب پریس والوں نے  ان کا پیچھے کرتے ہوئے سیڑھیوں پر دوڑے تو ارجیت پٹیل نے سیڑھیاں پھاند کر دوڑنا شروع کردیا۔

ذرائع سے ملی اطلاع کے مطابق آر بی آئی کے گورنر کی گاڑی تک پہنچنے کےلئےارجیت پٹیل نے ایک سیڑھی سے کودگئے اور تیزی سے گاڑی کیطرف بھاگے۔ اس سے پہلے کے میڈیا کے لوگ گاڑی تک پہنچتے ، گاڑی تیزی سے نکل گئی.

آپ کو بتا دیں کہ آر بی آئی گورنر ارجت پٹیل نے  گجرات کانفرنس میں خطاب کرتے ہوئے بتایا  کہ مہنگائی کی شرح کو مستحکم رکھنا ضروری ہے. تبھی ہم سود کی شرح کو اُس سطح پر لا سکیں گے، جہاں وہ معیشت کے لئے فائدہ مند ثابت ہوں. ہماری کوشش ہے کہ ہم مانیٹری پالیسی میں اس طرح قسط وار تبدیلی کریں جس سے تمام شرح کے درمیان ہم آہنگی قائم کی جا سکے. ساتھ ہی انہوں نے یہ بھی کہا کہ سود کی شرح پر قابو پانے یا مہنگائی پر روک لگانے کے لئے حکومت کا سبسڈی یا سرکاری ضمانت جیسے اقدامات کرنے سے بہتر نتائج برآمد نہیں ہوں گے.