معذورین کیلئے مختص ریزرویشن میں اضافہ زیر غور:اوما شری

Source: S.O. News Service | By Shahid Mukhtesar | Published on 4th December 2017, 10:53 AM | ریاستی خبریں |

بنگلورو،3/دسمبر(ایس او نیوز) ریاستی وزیر برائے معذورین وبہبودی خواتین واطفال اوما شری نے کہا کہ حکومت کے اے اوربی درجے کے عہدوں میں معذورین کے لئے مختص 3؍فیصد ریزرویشن کو بڑھاکر4فیصد کرنے کے لئے سنجیدگی سے غور کررہی ہے۔ بنگلورو کے فریڈم پارک میں عالمی یوم معذورین کا افتتاح کرنے کے بعد اپنے خطاب میں اوما شری نے کہا کہ اس سلسلے میں قوانین مرتب کئے جارہے ہیں۔ انہوں نے بتایا کہ سال 2016-17 کے دوران معذورین کیلئے تین پہیہ والی دو ہزار گاڑیاں تقسیم کرناتھا لیکن موٹر کمپنیوں کی جانب سے گاڑیوں کی فراہمی میں تاخیر کی وجہ سے مقررہ وقت پر گاڑیوں کو تقسیم نہیں کیاجاسکا۔ انہوں نے بتایا کہ جو ٹنڈر طلب کئے گئے تھے انہیں منسوخ کرکے از سرنو ٹنڈر طلب کئے گئے ہیں۔ جس کے بعد موٹرگاڑیوں کی کمپنیاں جلد از جلد گاڑیاں فراہم کریں گی اور حکومت ان معذورین میں مذکورہ گاڑیوں کو تقسیم کردے گی۔ انہوں نے بتایا کہ سال 2017-18کے دوران28کروڑ روپیوں کی لاگت سے4ہزار تین پہیہ والی گاڑیاں تقسیم کرنے کا حکومت نے فیصلہ کیاہے۔ اس کے لئے ٹنڈرز طلب کئے گئے ہیں۔ اوما شری نے بتایا کہ گونگے بہروں کا بیاہ گونگے بہروں کے ساتھ ہی کئے جانے کے متعلق کئی گزارشات موصول ہوئی ہیں۔ اس کے لئے حکومت نے بھی اپنی منظوری دی ہے۔ اس سلسلے میں حکومت معذورین کے بیاہ کے لئے 50ہزا روپیوں کی امدادی رقم جاری کرے گی۔ انہوں نے بتایا کہ نابیناافراد کے بچوں کے لئے حکومت کی طرف سے دوبرسوں تک ہرماہ دو ہزار روپئے کی امدادی رقم جاری کی جائے گی۔وزیر موصوف نے معذورین کے شعبہ میں خصوصی طورپر خدمت انجام دے رہے رضاکارانہ تنظیموں، 5 خصوصی اساتذہ سمیت جملہ 15 افراد کو نشاندہی کرکے انہیں ریاستی سطح کے ایوارڈسے نوازا گیا ۔ ان کے علاوہ اہم کارنامہ انجام دینے والے دورضاکارانہ تنظیموں کو فی کس 50 ہزار روپئے نقد8 اداروں کے لئے فی کس 25؍ہزار روپئے نقد کے ساتھ سند پیش کی گئی اور خصوصی اساتذہ کے لئے 10ہزار روپئے نقد اورانفرادی خدمت انجام دے رہے افراد کے لئے فی کس 15ہزار روپئے نقد اور،مومنٹو اور سرٹی فکیٹ پیش کی گئی۔اس موقع پر پردیش کمیٹی کے کارگزار صدر دنیش گنڈوراؤ بھی موجود تھے، محکمہ پرنسپل سکریٹری، امامہادیون نے بھی اپنے خیالات کا اظہار کیا۔ جبکہ محکمہ کے ڈائرکٹر ڈاکٹر سداراجو نے خیر مقدم کیا۔اپنی مصروفیات کی وجہ سے تقریب میں شرکت نہ کرسکے وزیراعلیٰ سدارامیا نے اپنا پیغام روانہ کرتے ہوئے کہا کہ معذورین ملک کی انسانی وسائل کا ایک حصہ ہیں ان کا استعمال مناسب طریقے سے کرنے حکومت اور سماج کی ذمہ داری ہے۔ انہوں نے اپنے پیغام میں بتایا کہ ا ن کی کانگریس حکومت نے گزشتہ ساڑھے چارسال کے دوران معذورین کی فلاح وبہبودی کیلئے خصوصی فنڈمیں اضافہ کیا ہے۔

ایک نظر اس پر بھی

کانگریس چھتیس گڑھ میں طویل عرصے کے بعد اقتدار میں لوٹے گی: ویرپا موئلی 

سینئر کانگریس لیڈر ویرپا موئلی کہا کہ چھتیس گڑھ میں 15 سال بعد ان کی پارٹی اقتدار مخالف لہر پر سوار ہوکر اقتدار میں لوٹے گی۔ انہوں نے یہ بھی دعوی کیا کہ کانگریس ریاست کے نکسل متاثرہ علاقوں میں 18 سیٹوں میں اپنی سیٹیں12 سے بڑھا کر 15 کرے گی۔سابق مرکزی وزیر نے یہاں کہاکہ چھتیس گڑھ میں ...

گوا میں بیرونی مچھلیوں کی درآمد پر لگی پابندی سے کاروار، ملپے میں مچھلیاں سستی تو منگلورو میں ہوگئیں مہنگی !

جب سے گوا کی حکومت نے فارمولین کے مسئلے پر بیرونی ریاستوں سے مچھلیوں کی درآمد پر پابندی رکھی ہے اور کچھ قانونی شرائط لاگو کی ہیں، تب سے ساحلی کرناٹکا کے شہروں میں اس کا کچھ ملا جلا اثر دکھائی دے رہا ہے۔

بیلگاوی میں احتجاج کے دوران کسان سورنا سودھا میں گھس گئے، وزیر اعلیٰ کی مداخلت کے بعد گرفتار شدہ افراد کی رہائی ، 20؍نومبر کو بنگلورو میں میٹنگ

شمالی کرناٹک کے بیلگاوی ضلع میں  گناہ اگانے والے کسانوں نے احتجاج کیا اور سوورنا سودھا کے احاطہ میں گنا سے لدی لاریوں کو زبردستی گھسا کر حکومت کے خلاف نعرے لگائے ۔ پولیس نے کارروائی کرتے ہوئے 10؍ کسان لیڈروں کو گرفتار کر لیا ہے اور ان کےخلاف ایف آئی آر درج کردیا ۔

سنجے دت کے ہاتھوں19نومبرکواڈاپٹ فٹنس کا افتتاح، بنگلورو کا بین الاقوامی معیار پر مشتمل سب سے بڑا فٹنس سنٹر عوام کے لئے دستیاب

شہر کے فریزر ٹاؤن میں صحت اور فٹنس کو عام کرنے کے لئے عالمی معیار کی سہولتوں سے لیس ہندوستان کی سب سے بڑی اور خوبصورت جم اڈاپٹ فٹنس کا افتتاح 19نومبر کی شام منعقد کیا گیا ہے۔