ہندو نیشنلسٹ گروپ سے اقلیتی طبقہ خوفزدہ، امریکی وزارت خارجہ کی رپورٹ

Source: S.O. News Service | By Shahid Mukhtesar | Published on 31st May 2018, 1:01 PM | ملکی خبریں | عالمی خبریں | اسپیشل رپورٹس |

واشگٹن،31؍مئی (ایس او نیوز؍ایجنسی) امریکی وزارت خارجہ نے منگل کے روز بین الاقوامی مذہبی آزادی پر ایک رپورٹ جاری کی ہے جس میں بتایا گیا ہے کہ ہندوستان میں 2017 کے دوران ہندو نیشنلسٹ گروپ کے تشدد کے سبب اقلیتی طبقہ نے خود کو انتہائی غیر محفوظ محسوس کیا۔ اس سلسلے میں امریکی وزیر خارجہ مائک پومپیو نے امریکی کانگریس کے ذریعہ مجاز یافتہ 2017 کی بین الاقوامی مذہبی آزادی پر مبنی سالانہ رپورٹ جاری کی ، جس میں کہا گیا ہے کہ حکومت نے چند ایک بار تشدد کے واقعات کے خلاف بولا، لیکن مقامی لیڈروں نے شاید ہی ایسا کیا۔ اور کئی بار تو ایسے بیانات دیے گئے جن کے پش پست مقصد تشدد کو نظر انداز کرنا معلوم ہوتا ہے۔

امریکی وزارت خارجہ کی اس رپورٹ میں واضح لفظوں میں یہ بھی کہا گیا ہے کہ ’’سول سوسائٹی کے لوگوں اور مذہبی اقلیتوں کا کہنا ہے کہ موجودہ حکومت میں مذہبی اقلیتی طبقات نے غیر ہندوؤں اور ان کی عبادت گاہوں کے خلاف تشدد میں شامل ہندو نیشنلسٹ گروپوں کے سبب خود کو کافی غیر محفوظ محسوس کیا۔‘‘ رپورٹ کے مطابق ’’افسران نے اکثر و بیشتر گئوکشی یا غیر قانونی اسمگلنگ یا گائے کے گوشت کا استعمال کرنے سے متعلق مشتبہ لوگوں (زیادہ تر مسلمانوں) پر گئو رکشکوں کے تشدد کے خلاف معاملے درج نہیں کیے۔‘‘

اس رپورٹ میں اقلیتی اداروں سے متعلق بھی باتیں کی گئی ہیں۔ اس میں لکھا گیا ہے کہ ’’حکومت نے عدالت عظمیٰ میں مسلم تعلیمی اداروں کے اقلیتی درجہ کو چیلنج پیش کرنا جاری رکھا۔ اقلیتی درجہ کی وجہ سے ان اداروں کو ملازمین کی تقرری اور نصاب سے متعلق فیصلوں میں خودمختاری حاصل ہے۔‘‘

اس رپورٹ کے ایک حصہ میں یہ بھی کہا گیا ہے کہ 13 جولائی کو وزیر اعظم نریندر مودی نے بیف تاجروں، بیف کے صارفین اور ڈیری کسانوں پر بھیڑ کے ذریعہ کیے گئے قاتلانہ حملے کی تنقید کرتے ہوئے کہا کہ گئو رکشا کے نام پر لوگوں کی جان لینا ناقابل قبول ہے۔ اس میں کہا گیا کہ 7 اگست کو اس وقت کے نائب صدر جمہوریہ حامد انصاری نے کہا تھا کہ ملک میں دلت، مسلمان اور عیسائی خود کو کافی غیر محفوظ محسوس کر رہے ہیں۔

عیسائیوں پر مظالم سے متعلق اس رپورٹ میں کہا گیا ہے کہ بین الاقوامی غیر سرکاری تنظیم ’اوپن ڈورس‘ کے مقامی شریک کاروں کے ذریعہ حاصل اعداد و شمار کے مطابق سال کے پہلے چھ مہینے میں ہی 410 ایسے واقعات پیش آئے جن میں عیسائیوں پر ظلم ہوا، ڈرایا دھمکایا گیا یا مذہب کے نام پر ان پر حملہ کیا گیا، جب کہ 2016 کے پورے سال میں اس طرح کے کل 441 واقعات پیش آئے تھے۔ گویا کہ 2017 کے نصف حصے میں ہی عیسائیوں پر مظالم کے تقریباً اتنے واقعات پیش آئے جتنے کہ 2016 کے پورے سال میں ہوئے تھے۔ اس رپورٹ میں کہا گیا ہے کہ 2017 میں جنوری سے لے کر مئی کے درمیان وزارت داخلہ نے مذہبی طبقات کے درمیان 296 تصادم ہونے کی اطلاع دی۔ تصادم میں 44 لوگ مارے گئے اور 892 زخمی ہوئے۔

ایک نظر اس پر بھی

مودی جی کا پرگیہ سنگھ ٹھاکور سے لاتعلقی ظاہر کرنا ایسا ہی ہے جیسے پاکستان کا دہشت گردی سے ۔۔۔۔ دکن ہیرالڈ میں شائع    ایک فکر انگیز مضمون

 وزیر اعظم نریندرا مودی کا کہنا ہے کہ وہ مہاتما گاندھی کے قاتل ناتھو رام گوڈسے کو دیش بھکت قرار دیتے ہوئے ”باپو کی بے عزتی“ کرنے کے معاملے پر پرگیہ ٹھاکورکو”کبھی بھی معاف نہیں کرسکیں گے۔“امیت شاہ کہتے ہیں کہ پرگیہ ٹھاکور نے جو کچھ کہا ہے(اور یونین اسکلس منسٹر اننت کمار ہیگڈے ...

لوک سبھا انتخابات؛ آخری مراحل کے انتخابات جاری؛ 918 اُمیدواروں کی قسمت داو پر؛ ای وی ایم میں خرابی کی شکایتیں؛ بنگال میں دو کاروں پر حملہ

لوک سبھا انتخابات کے ساتویں  اور آخری مرحلہ کے لئے اتوار کی صبح 7 بجے سے ووٹنگ جاری ہے۔جس میں  918 امیدواروں کی قسمت دائو پر لگی ہوئی ہے۔آج جاری انتخابات میں  وزیر اعظم نریندر مودی کا حلقہ انتخاب وارانسی بھی شامل ہے۔ 

دہشت گرد ہر مذہب میں ہیں: کمل ہاسن

تنازعات میں گھرے اداکار لیڈر کمل ہاسن نے جمعہ کو کہا کہ ہر مذہب میں دہشت گرد ہوتے ہیں اور کوئی بھی اپنے مذہب کوبہترین ہونے کا دعویٰ نہیں کر سکتا۔

بی جے پی کو280 سے زیادہ سیٹیں ملیں گی، این ڈی اے کی سیٹیں 300 سے متجاوز ہوں گی: پی مرلیدھر راؤ

بی جے پی لیڈر رام مادھو کے تخمینے کو مسترد کرتے ہوئے پارٹی کے سینئر لیڈر پی مرلیدھر راؤ نے کہا کہ بھگوا پارٹی کو 280 سے زیادہ سیٹیں ملیں گی جبکہ این ڈی اے کے سیٹوں کی تعداد 300 کے پار ہوں گی۔

مالیگاؤں 2008بم دھماکہ معاملہ: اے ٹی ایس کی عدالت سے غیر حاضری کے معاملے میں عدالت کا دخل دینے سے انکار

مالیگاؤں 2008 بم دھماکہ متاثرین جانب سے خصوصی این آئی اے عدالت میں داخل عرضداشت جس میں اس معاملے کی سب سے پہلے تفتیش کرنے والی تفتیشی ایجنسی ATSکی عدالت سے غیرحاضری پر سوال اٹھایا گیا تھا کو عدالت نے یہ کہتے ہوئے خارج کردیا کہ اے ٹی ایس کو پابند کرنا اس کے دائرہ اختیار میں نہیں ہے ...

سری لنکا: مسلم مخالف فسادات میں ایک شخص ہلاک، مساجد کو نقصان

حکومتی وزیر رؤف حکیم کے مطابق مسلم مخالف فسادات میں ایک مسلمان ہلاک ہو گیا ہے جبکہ مسلمانوں کی املاک کو بھی نذر آتش کرنے کے واقعات سامنے آئے ہیں۔ رؤف حکیم کا تعلق مسلم کانگریس نامی سیاسی جماعت سے ہے۔ یہ سیاسی پارٹی حکومتی اتحاد میں شامل ہے۔ حکیم کے مطابق مشتعل افراد نے پیر تیرہ ...

مودی جی کا پرگیہ سنگھ ٹھاکور سے لاتعلقی ظاہر کرنا ایسا ہی ہے جیسے پاکستان کا دہشت گردی سے ۔۔۔۔ دکن ہیرالڈ میں شائع    ایک فکر انگیز مضمون

 وزیر اعظم نریندرا مودی کا کہنا ہے کہ وہ مہاتما گاندھی کے قاتل ناتھو رام گوڈسے کو دیش بھکت قرار دیتے ہوئے ”باپو کی بے عزتی“ کرنے کے معاملے پر پرگیہ ٹھاکورکو”کبھی بھی معاف نہیں کرسکیں گے۔“امیت شاہ کہتے ہیں کہ پرگیہ ٹھاکور نے جو کچھ کہا ہے(اور یونین اسکلس منسٹر اننت کمار ہیگڈے ...

بلقیس بانو کیس۔ انصاف کی جدوجہد کا ایک سنگ میل ......... آز: ایڈووکیٹ ابوبکرسباق سبحانی

سترہ سال کی ایک لمبی اور طویل عدالتی جدوجہد کے بعد بلقیس بانو کو ہمارے ملک کی عدالت عالیہ سے انصاف حاصل کرنے میں فتح حاصل ہوئی جس فتح کا اعلان کرتے ہوئے عدالت عالیہ (سپریم کورٹ آف انڈیا) نے گجرات سرکار کو حکم دیا کہ وہ بلقیس بانو کو پچاس لاکھ روپے معاوضہ کے ساتھ ساتھ سرکاری نوکری ...

بھٹکل کے نشیبی علاقوں میں کنووں کے ساتھ شرابی ندی بھی سوکھ گئی؛ کیا ذمہ داران شرابی ندی کو گٹر میں تبدیل ہونے سے روک پائیں گے ؟

ایک طرف شدت کی گرمی سے بھٹکل کے عوام پریشان ہیں تو وہیں پانی کی قلت سے  عوام دوہری پریشانی میں مبتلا ہیں، بلندی والے بعض علاقوں میں گرمی کے موسم میں کنووں میں پانی  کی قلت  یا کنووں کا سوکھ جانا   عام بات تھی، مگر اس بار غالباً پہلی بار نشیبی علاقوں میں  بھی پانی کی شدید قلت ...

مفرور ملزم ایم ڈی مُرلی 2008کے بعد ہونے والے بم دھماکوں اور قتل کااصل سرغنہ۔ مہاراشٹرا اے ٹی ایس کا خلاصہ

مہاراشٹرا اینٹی ٹیرورازم اسکواڈ (اے ٹی ایس) کا کہنا ہے کہ سن  2008 کے بعد ہونے والے بہت سارے بم دھماکوں اور پنسارے، دابولکر، کلبرگی اور گوری لنکیش جیسے ادیبوں اور دانشوروں کے قتل کا سرغنہ اورنگ آباد کا رہنے والا مفرور ملزم ایم ڈی مُرلی ہے۔

اب انگلش میڈیم کے سرکاری اسکول ؛ انگریزی میڈیم پڑھانے والے والدین کے لئے خوشخبری۔ ضلع شمالی کینرا میں ہوگا 26سرکاری انگلش میڈیم اسکولوں کا آغاز

سرکاری اسکولوں میں طلبہ کے داخلے میں کمی اور والدین کی طرف سے انگلش میڈیم اسکولوں میں اپنے بچوں کے داخلے کے رجحان کو دیکھتے ہوئے اب سرکاری اسکولوں میں بھی انگلش میڈیم کی سہولت فراہم کرنے کا منصوبہ بنایاگیا ہے۔

لوک سبھا انتخابات؛ اُترکنڑا میں کیا آنند، آننت کو پچھاڑ پائیں گے ؟ نامدھاری، اقلیت، مراٹھا اور پچھڑی ذات کے ووٹ نہایت فیصلہ کن

اُترکنڑا میں لوک سبھا انتخابات  کے دن جیسے جیسے قریب آتے جارہے ہیں   نامدھاری، مراٹھا، پچھڑی ذات  اور اقلیت ایک دوسرے کے قریب تر آنے کے آثار نظر آرہے ہیں،  اگر ایسا ہوا تو  اس بار کے انتخابات  نہایت فیصلہ کن ثابت ہوسکتےہیں بشرطیکہ اقلیتی ووٹرس  پورے جوش و خروش کے ساتھ  ...