تباہی سے بدحال کورگ میں حالات معمول کی طرف، انتظامیہ کی بھرپور توجہ باز آباد کاری پر مرکوز، تعلیمی ادارے کھل گئے

Source: S.O. News Service | By Shahid Mukhtesar | Published on 23rd August 2018, 9:47 PM | ریاستی خبریں | ان خبروں کو پڑھنا مت بھولئے |

بنگلورو،23؍اگست(ایس او نیوز) طوفان ،سیلاب اور زمین کھسکنے کے متعدد واقعات سے بدحال کورگ ضلع میں حالات رفتہ رفتہ معمول کی طرف لوٹ رہے ہیں۔ یہاں کی سڑکوں اور پلوں کی مرمت کا کام جنگی پیمانے پر آگے بڑھادیا گیا ہے جبکہ پناہ گزینوں کی باز آباد کاری کی طرف توجہ مرکوز کی گئی ہے۔

ریاست کے دیگر حصوں کو جوڑنے والی کورگ کے گھاٹ سیکشن کی سڑکوں کو جو زمین کھسکنے کی وجہ سے خراب ہوگئی تھیں انہیں بڑی بڑی مشینوں کی مدد سے بحال کیا جارہاہے۔کشال نگر ، مرکیرہ ، ویراج پیٹ تعلقہ جات کے لاپتہ افراد کی نشاندہی کے لئے مہم شروع کردی گئی ہے۔

بارش اور زمین کھسکنے کی وجہ سے ضلع کے 61 اسکولوں کو بھاری نقصان پہنچاہے جہاں پر تعلیمی سرگرمیاں شروع نہیں ہوئی ہیں۔ باقی تمام اسکولوں میں آج سے تعلیم کا سلسلہ شروع ہوگیا ہے۔ پانچ ہزار سے زائد پناہ گزینوں کو جو راحت کیمپوں میں مقیم تھے، ان کے گھروں کی طرف لوٹا دیاگیا ہے۔ جن لوگوں کا گھر اور تمام اسباب بارش کی وجہ سے تباہ گئے ضلعی انتظامیہ ان کی باز آباد کاری پر توجہ دے رہا ہے۔ زمین کھسکنے کے سبب کافی اور دیگر فصلوں کو جو بھاری نقصان پہنچا ہے، اعلیٰ افسر ان کا تخمینہ لگانے میں مصروف ہوگئے ہیں۔

ضلع بھر میں بارش کی وجہ سے 500 سے زائد مکانات کو نقصان پہنچا ہے۔ ان کی از سر نو تعمیر کا حکومت نے وعدہ کیا ہے۔ انہیں اسی جگہ پر دوبارہ تعمیر کیا جائے گا یا متبادل جگہ دی جائے گی، یہ فیصلہ جلد ہی ضلعی انتظامیہ کی طرف سے لیا جائے گا۔

سیلاب سے بدحال کورگ ضلع کو ریاست کے کونے کونے سے امدادی اشیاء کی فراہمی کا سلسلہ جاری ہے۔ ضلعی انتظامیہ کی طرف سے راحت کاری اشیاء کی تقسیم بھی تیزی کے ساتھ کی جارہی ہے۔ سیلاب اور بارش کے فوراًبعد حالانکہ یہاں متعدی بیماریوں کے پھیلاؤ کا خدشہ تھا، لیکن ضلعی انتظامیہ کی طرف سے متعدی بیماریوں کوپھیلنے سے روکنے کے لئے اپنائی گئی احتیاطی تدابیر موثر رہی۔ 

ایک نظر اس پر بھی

کرناٹک: بی ایس پی ارکان اسمبلی کمارسوامی کے حق میں ووٹ کریں گے:مایاوتی

کرناٹک میں کانگریس اورجے ڈی ایس کی مخلوط حکومت رہے گی یا جائے گی اس کا فیصلہ آج ہو جائے گا ۔ برسر اقتدار اتحاد کے ارکان اسمبلی کو بی جے پی ٹوڑنے کی کوشش کر رہی ہے لیکن اس بیچ بی ایس پی سپریموں نے کہا ہے کہ اس کی پارٹی کے ارکان اسمبلی کمارسوامی حکومت کے حق میں ہی ووٹ ڈالیں گے ۔ یہ ...

مخلوط حکومت کی بقا کا سسپنس برقرار آج بھی اسمبلی میں تحریک اعتماد پر ووٹنگ کا امکان،باغیوں کو واپس لانے کیلئے سدارامیا کو وزیر اعلیٰ بنانے کی پیش کش

ریاست میں کانگریس جے ڈی ایس مخلوط حکومت کوبچانے کے لئے اتحادی جماعتوں کے قائدین کی کوششوں کا سلسلہ جاری ہے تو دوسری طرف اپوزیشن بی جے پی اس کوشش میں ہے کہ کسی طرح پیر کے روزتحریک اعتماد پر اسمبلی میں ووٹنگ ہو جائے لیکن خدشات ظاہر کئے جارہے ہیں

منگلورو میں ڈینگی سے ٹی وی جرنلسٹ ہلاک 

بی ٹی کے لئے ویڈیو جرنلسٹ کے طور خدمات انجام دینے والے ناگیش پاڈوکی موت کے ساتھ منگلورو میں ڈینگی بخار سے ہونے والی ہلاکتوں میں ایک او ر اضافہ ہواہے۔خیال رہے کہ اس سے قبل ڈینگی بخار میں مبتلا تین افراد کی موت واقع ہوچکی ہے۔

جنوری 19 کو ہوں گےانجمن حامئی مسلمین بھٹکل کے انتخابات؛ اسحاق شاہ بندری الیکشن کمشنر منتخب

قومی تعلیمی ادارہ انجمن حامئی مسلمین بھٹکل کے عام انتخابات اگلے سال 19 جنوری کو ہوں گے جس کے لئے آج سنیچر کو  ہوئی انتظامیہ میٹنگ میں  الیکشن کمشنر کا انتخاب عمل میں آیا ہے۔  اس بات کی تصدیق انجمن کے جنرل سکریٹری جناب صدیق اسماعیل نے کی ہے۔ انہوں نے بتایا کہ  آج کی میٹنگ میں ...

بھٹکلی جماعت المسلمین مینگلورو کا مستحسن اقدام : بنٹوال میں ہوئے سڑک حادثے میں شدید زخمیوں کی عیادت کرنے اور اُنہیں ہرممکن تعاون دینے جماعت کے وفد کا اسپتال دورہ

بھٹکلی  جماعت المسلمین مینگلور کے ایک وفد نے  مینگلور کے مختلف اسپتالوں کا دورہ کرتے ہو ئے  کل جمعہ کو سڑک حادثے میں ہوئے زخمی بھٹکلی لوگوں کی عیادت کی اور اُن کے رشتہ داروں سے بات چیت کرتے ہوئے جماعت کی جانب سے ہر ممکن تعاون کا یقین دلایا۔

انکولہ میونسپالٹی چیف آفیسر کو ڈی سی نے لیا آڑے ہاتھ۔ کہا؛ اگر تم ایماندار ہوتے تو کٹہرے میں کھڑے نہ ہوتے

انکولہ میونسپالٹی میں ڈھنگ سے کام نہ ہونے کی شکایت ملنے پر  اُترکنڑا کے ڈپٹی کمشنر  ڈاکٹر ہریش کمار انکولہ پہنچ کر  میونسپل چیف آفسر بی پرہلاد کو آڑے ہاتھوں لیا اور کہا کہ اگر تم  ایمانداری سے اپناکام انجام دے رہے ہوتے  تو اس طرح کٹہرے میں کھڑے ہونے کی نوبت نہ آتی ۔ ڈپٹی ...