ریلائنس جیوفری سروس 31مارچ سے آگے بڑھائی جا سکتی ہے; صارفین کی تعداد 7کروڑسے متجاوز
نئی دہلی، 17جنوری(ایس او نیوز/آئی این ایس انڈیا)مکیش امبانی کی نئی ٹیلی کمیونیکیشن کمپنی ریلائنس جیو انفوکام کے استعمال کنندگان کی تعداد 7.24کروڑ کا ہندسہ پار کر چکی ہے۔گزشتہ ماہ ایک رپورٹ میں دعوی کیا گیا تھا کہ مارچ کے آخر تک ریلائنس جیو کے پاس 10کروڑ صارفین ہوں گے،تاہم یہ بھی کہا گیا کہ جیسے ہی کمپنی اپنی خدمات کے لئے پیسے لینا شروع کرے گی، صارفین کی تعداد کم بھی ہوگی لیکن قیاس لگائے جا رہے ہیں کہ کمپنی مفت خدمات 31مارچ سے آگے بڑھا سکتی ہے۔ویسے کمپنی نے پہلے ہی پری پیڈ اور پوسٹ پیڈ پلان کا انکشاف کر چکی ہے،اب کمپنی کی ڈیٹا اور وائس کالز سمیت ساری خدمات مارچ 2017تک مفت ہیں۔مکیش امبانی نے ستمبر 2016میں اپنی 4جی سروس شروع کی تھی۔ستمبر میں ریلائنس نے جیو نامی مفت 4جی ڈیٹا کے ساتھ سم پیش کیا تھا،پہلے مفت کالنگ اور مفت غیرمحدود موبائل ڈیٹا کے جیو کی پیشکش دسمبر کے آخر تک تھی لیکن بعد میں یہ بڑھا 31مارچ تک کر دی گئی۔31دسمبر کوویلکم آفر ختم ہو جانے کے بعد ریلائنس جیو کے کسٹمر ہیپی نیو ایئر آفر کا فائدہ اٹھا رہے ہیں۔اس آفر کے تحت صارفین ہر دن تیز رفتار میں 1جی بی ڈیٹا استعمال مفت میں کر رہے ہیں۔