ئی دہلی، 9 /دسمبر(ایس او نیوز آئی این ایس انڈیا) نوٹ بند ی کی وجہ سے عقیدت مندوں سمیت غیر ملکی سیاحوں کو ہو رہی پریشانیوں کو دیکھتے ہوئے یہاں سفارتی مشن نے حکومت سے نقد رقم نکالنے پر پابندی میں نرمی دینے اور تاج محل جیسے تاریخی مقامات پر کریڈٹ کارڈ کے استعمال کی اجازت دینے کا مطالبہ کیا ہے۔سری لنکا ہائی کمیشن کے ایک اعلی افسر نے کہاکہ نوٹ بند ی کے بعد بودھ گیا جیسی جگہوں پر پھنسے ہوئے ہمارے شہریوں کی جانب سے نقد کی قلت کے ساتھ نقد ی تبدیل کرانے کے عمل سے پریشانی والی کئی فون کال آئیں۔انہوں نے کہا کہ ہم نے وزارت خارجہ کو خط لکھ کر اس پر غور کرنے کو کہا ہے، جتنا ممکن ہو سکتا تھا ہم نے اپنے شہریوں کی مدد کی کوشش کی ہے۔ایک اندازے کے مطابق، ہر سال 300000سری لنکا ئی سیاح ہندوستان آتے ہیں جن میں 200000مذہبی مقامات کی زیارت کے مقصدسے آتے ہیں۔سری لنکا کے علاوہ جاپان جیسے دیگر ممالک سے بھی لوگ بدھ مت کے مندروں کے درشن کے لیے ہندوستان آتے ہیں۔نوٹ بند ی کی وجہ سے غیر ملکی سیاحوں کو ہو رہی پریشانیوں کو دیکھتے ہوئے 157غیر ملکی مشن کی قیادت کرنے والے ڈپلومیٹک کارپس کے ڈین فرینک ہینس ڈنین برگ نے کہا کہ انہوں نے وزارت خارجہ کے سامنے معاملہ اٹھایا ہے۔ڈومینک جمہوریہ کے سفیر کاسٹے لانوس نے میڈیا سے کہاکہ میں نے وزارت کے سامنے اس مسئلہ کو اٹھایا ہے اور ان سے اس بات کو یقینی بنانے کو کہا ہے کہ تاج محل جیسے مقامات پر کریڈٹ کارڈ قبول کرنے جیسے اقدامات کا آغاز کیا جائے کیونکہ سیاح اس کا کافی استعمال کرتے ہیں۔انہوں نے کہاکہ میں نے اس سے یہ بھی کہا ہے کہ سیاحتی مقامات اور ہوٹلوں کے ارد گرد مناسب تعداد میں اے ٹی ایم ہونے چاہئیں تاکہ سیاحوں کو آسانی سے نقد رقم مل سکے۔