کاروار: کرناٹکا اسٹیٹ اوپن یونیورسٹی کے ریجنل ڈائریکٹر برخاست
کاروار 7؍اکتوبر(ایس او نیوز)کرناٹکااسٹیٹ اوپن یونیورسٹی میسور سے جاری ایک اعلان کے مطابق کاروار میں یونیورسٹی کے عبوری ریجنل ڈائریکٹر کے بطور خدمات دینے والے ڈاکٹر آنند ایل جھنڈیکر کو تحقیقات کے بعد مالی بدعنوانی کا الزام ثابت ہونے پر ان کے عہدے سے برخاست کردیا گیا ہے۔
بیان میں کہا گیا ہے کہ مالی بدعنوانیوں اور دیگر الزامات کی روشنی میں ریٹائرڈ جج کے ذریعے تحقیقات کروائی گئیں اور الزامات ثابت ہونے پر یونیورسٹی نے ان کو عہدے سے ہٹادیا ہے ۔ اس طرح اب یونیورسٹی کے معاملات میں ڈاکٹر آنند ایل جھنڈیکر کاکوئی عمل دخل نہیں ہے ۔
یونیورسٹی کی طرف سے واضح کیاگیا ہے کہ آئندہ کوئی بھی ان کے ساتھ اگریونیورسٹی سے متعلق کسی قسم کا معاملہ کرتا ہے اور کسی نقصان کا شکار ہوتا ہے تو اس کے لئے یونیورسٹی ذمہ دار نہیں ہوگی۔