جرمنی سے افغان مہاجرین کا ایک اور گروہ ڈی پورٹ

Source: S.O. News Service | By Shahid Mukhtesar | Published on 16th August 2018, 12:06 PM | عالمی خبریں |

برلن ،16اگست (ایس او نیوز؍آئی این ایس انڈیا)جرمنی سے ڈی پورٹ کیے گئے چھیالیس مزید افغان مہاجرین وطن واپس پہنچ گئے ہیں۔ افغان حکام نے بتایا ہے کہ یہ مہاجرین ایک طیارے کے ذریعے بدھ کے دن کابل ایئر پورٹ پہنچے۔ افغان مہاجرین کی وطن واپسی پر تنقید بھی کی جا رہی ہے۔

ذرائع کے مطابق افغان مہاجرین کا ایک اور گروپ واپس پہنچ گیا ہے۔ جرمنی کابل حکومت کے ساتھ ایک ڈیل کے تحت ایسے مہاجرین کو افغانستان واپس روانہ کر رہا ہے، جن کی پناہ کی درخواستیں مسترد ہو چکی ہیں۔ ایسے مہاجرین اور تارکین وطن کی واپسی کا سلسلہ دسمبر سن دو ہزار سولہ میں شروع کیا گیا تھا۔ذرائع نے بتایا کہ بدھ کے دن کابل پہنچے والے مہاجرین کا یہ پندرہواں گروپ تھا۔ اب تک ایسے تقریبا ساڑھے تین سو افغان مہاجرین کو زبردستی واپس بھیجا جا چکا ہے، جو جرمنی میں پناہ کے حق دار قرار نہیں دیے گئے تھے۔

تاہم انسانی حقوق کے سرگرم کارکنان کا کہنا ہے کہ افغانستان میں امن کی صورتحال خستہ ہے اور ان حالات میں افغان مہاجرین کو وطن واپس روانہ کرنا مناسب نہیں ہے۔ طالبان کی باغی تحریک کے علاوہ اب افغانستان میں جہادی گروہ اسلامک اسٹیٹ بھی فعال ہو چکا ہے، جو گزشتہ کچھ عرصے سے کئی حملے کر چکا ہے۔افغانستان میں طالبان کے حالیہ حملوں کی وجہ سے امن کی صورتحال مزید خراب ہو گئی ہے۔ طالبان باغیوں نے صوبہ غزنی اور فریاب میں نئے حملے کیے ہیں، جن کے نتیجے میں درجنوں افراد ہلاک بھی ہوئے ہیں۔

اس صورتحال میں انسانی حقوق کے کارکنان نے مطالبہ کیا ہے کہ افغان مہاجرین کی واپسی کا عمل روک دیا جائے۔گزشتہ ماہ جرمنی سے واپس بھیجے جانے والے ایک افغان مہاجر نے خودکشی کر لی تھی۔ وہ آٹھ برس تک جرمنی میں مقیم رہا تھا تاہم قانونی تقاضے پورے نہ کرنے کی وجہ سے اسے زبردستی واپس افغانستان روانہ کر دیا گیا تھا۔ ایسے خدشات ہیں کہ جرمنی سے ملک بدر کیے جانے والے افغان مہاجرین ملک پہنچ کر نئی مشکلات میں گھر سکتے ہیں۔ناقدین کا کہنا ہیکہ افغانستان کا زیادہ تر حصہ اب بھی افراتفری اور تشدد کی زد میں ہے اور اس معاہدے کے نتیجے میں واپس بھیجے جانے والے افغان مہاجرین کی زندگیوں کو لاحق خطرات کا خیال نہیں رکھا گیا ہے۔

ایک نظر اس پر بھی

نوازشریف کو کچھ ہوا تو عمران ذمہ دار ہوں گے :شہباز

پنجاب اسمبلی میں قائد حزب اختلاف حمزہ شہباز نے کہا ہے کہ حکومت نواز شریف کی صحت سے متعلق بے حسی کا مظاہرہ کر رہی ہے اوراہل خانہ کو انکی صحت سے متعلق کچھ آگاہ نہیں کیا جا رہا، نواز شریف کو کچھ ہوا تو ذمہ دار وزیراعظم ہوں گے،نیازی صاحب نے وعدہ کیا تھا کہ ہم نئے صوبہ بنائیں گے، ...

وینزویلا:حکومت کے حامی اور مخالفین سڑکوں پر

وینزویلا کے دارالحکومت کارکاس میں حکومت کے حامی اور مخالفین سڑکوں پر نکل آئے۔ایک طرف صدر مادورو کی اپیل پر ہاتھوں میں وینزویلا کے پرچم لئے مظاہرین سڑکوں پر تھے تو دوسری طرف حزب اختلاف کے لیڈر ہوان گوآئیڈو کے حامی۔مادورو کے حامی شاویز کے انقلابِ بولیوار کی 20 ویں سالانہ یاد کے ...

2014 کے لوک سبھا انتخابات میں تمام ای وی ایم ہیک کئے گئے تھے: امریکن سائبر ایکسپرٹ کا دعویٰ؛ کیا ای وی ایم نے بی جے پی کو اقتدار دلایا ؟

 امریکہ میں مقیم ایک سائبر ماہر سید شجاع نے دعویٰ کیا ہے کہ   ہندستان میں    سال 2014میں ہوئےعام انتخابات میں استعمال کی گئی  الیکٹرونک ووٹنگ مشین (ای وی ایم) کو  ہیک کیا گیا تھا۔ 543 سیٹوں والے اس الیکشن میں بی جے پی کو282 سیٹوں پر شاندار کامیابی حاصل ہوئی تھی اور سن 1984 کے بعد پہلی ...

بنگلہ دیش انتخابات میں شیخ حسینہ کامیاب، اپوزیشن نے نتائج ماننے سے کیا انکار

خبر رساں اداروں کے مطابق بنگلہ دیشی وزیر اعظم شیخ حسینہ واجد کی حکمران جماعت عوامی لیگ نے اتوار 30 دسمبر کو ہونے والے عام انتخابات میں اپوزیشن کے مقابلے میں بڑی برتری حاصل کر لی ہے اور حتمی نتائج میں عوامی لیگ کو کل 350 نشستوں میں سے 281 نشستوں پر کامیابی حاصل ہوئی ہے۔

ایرانی حکومت ٹوئٹراستعمال کر رہی ہے مگر عوام کے لیے ممنوع ہے : امریکی سفیر

جرمنی میں امریکی سفیر رچرڈ گرینل کا کہنا ہے کہ ایرانی حکومت خود ٹویٹر کا استعمال کر رہی ہے مگر عوام کے لیے اس کا استعمال روکا ہوا ہے۔ انہوں نے یہ بات ایرانی پارلیمنٹ کے اسپیکر علی لاریجانی سے منسوب ٹویٹر اکاؤنٹ کھولے جانے پر تبصرہ کرتے ہوئے کہی۔اگرچہ ایرانی میڈیا نے مذکورہ ...