پوچھ گچھ ہوئی تو دوں گا سی بی آئی کو جواب: اکھلیش

Source: S.O. News Service | By Shahid Mukhtesar | Published on 6th January 2019, 6:53 PM | ملکی خبریں |

لکھنؤ،06 جنوری (ایس او نیوز؍آئی این ایس انڈیا) سماج وادی پارٹی (ایس پی) صدر اور اتر پردیش کے سابق وزیر اعلی اکھلیش یادو نے اپنے دوراقتدار میں ہوئے مبینہ غیر قانونی کانکنی معاملے پر سی بی آئی کی کارروائی کے بعد خود سے پوچھ گچھ کا خدشہ کے بارے میں اتوار کو کہا کہ وہ سی بی آئی کو جواب دینے کے لیے تیار ہیں، مگر بی جے پی یہ یاد رکھے کہ وہ جس ثقافت کو چھوڑ کر جا رہی ہے، کل اسے بھی اس کا سامنا کرنا پڑے گا۔

اکھلیش نے خود پر سی بی آئی جانچ کی آنچ ہونے کے خدشہ کے سوال پر کہاکہ ایس پی اس کوشش میں ہے کہ زیادہ سے زیادہ لوک سبھا سیٹیں جیتے۔جو ہمیں روکنا چاہتے ہیں، ان کے پاس سی بی آئی ہے۔ایک بار کانگریس نے سی بی آئی جانچ کرائی تھی، تب بھی پوچھ گچھ ہوئی تھی۔اگر بی جے پی یہ سب کرا رہی ہے اور سی بی آئی کی پوچھ گچھ کرے گی تو ہم جواب دیں گے۔مگر عوام بی جے پی کو جواب دینے کے لیے تیار ہے۔

انہوں نے کہا کہ آخر سی بی آئی چھاپہ ماری کیوں کر رہی ہے۔جو پوچھنا ہے ہم سے پوچھ لے، لیکن بی جے پی کے لوگ یہ یاد رکھیں کہ جو دوروہ چھوڑ کر جا رہے ہیں اس کا کل انہیں بھی سامنا کرنا پڑے گا۔اکھلیش نے طنز بھرے لہجے میں کہا کہ اب تو سی بی آئی کو بتانا پڑے گا کہ ہم نے اتحاد میں کتنی کتنی سیٹیں بانٹی ہیں۔مجھے خوشی ہے اس بات کی کہ کم از کم بی جے پی نے اپنا رنگ دکھا دیا۔پہلے کانگریس نے ہمیں سی بی آئی سے ملنے کا موقع دیا تھا۔اس بار بی جے پی یہ موقع دے رہی ہے۔

انہوں نے کہا کہ بی جے پی نے سیاسی آداب ہی ختم کر دیا۔بی جے پی چاہتی ہے کہ جیسا اس کا سیاسی رویہ ہے، ویسا ہی دوسری پارٹیوں کا بھی ہو جائے۔مگر ہم اپنا سیاسی رویہ نہیں بدلیں گے۔اگر کانگریس چور بول رہا ہے تو بی جے پی چاہتی ہے کہ ہم بھی اسے چور بولیں۔معلوم ہو کہ پیشرو ایس پی حکومت کے دور حکومت میں سال 2012 سے 2016 کے درمیان ریاست میں ہوئے مبینہ کان کنی گھوٹالہ معاملے میں سی بی آئی نے کل لکھنؤ میں آئی اے ایس افسر بی چندکلا کے گھر پر چھاپہ مارا تھا۔سی بی آئی نے بنڈیل کھنڈ میں غیر قانونی کان کنی کے معاملے میں الہ آباد ہائی کورٹ کے حکم پر چندرکلا سمیت 11 افراد پر مقدمہ درج کیا تھا۔

ایک نظر اس پر بھی

 گجرات:  ٹھاکر کمیونٹی کادقیانوسی قانون،لڑکیوں کے موبائل کے استعما ل پر مکمل پابندی، بھاگ کر شادی کرنے پر اہل خانہ کو بھرنا ہوگا جرمانہ 

گجرات کے بناس کا ٹھا میں ٹھا کر کمیونٹی کی طرف سے 12 دیہات میں عجیب و غریب اور دقیانوسی قوانین بنائے گئے ہیں۔ اس میں ایک اصول ایسا ہے کہ لڑکیاں اپنے پاس موبائل نہیں رکھ پائیں گی۔

 اب تمام علاقائی زبانوں میں ہون گے ڈاک محکمہ کے امتحانات، راجیہ سبھا میں ہنگامہ کے بعد حکومت نے منسوخ کیا پیپر 

ڈاک محکمہ کی گزشتہ ہفتے ہوئے ایک امتحان کا ذریعہ صرف ہندی اور انگریزی رکھنے کی مخالفت میں منگل کو راجیہ سبھا میں کئی جماعتوں کے ارکان کے ہنگامے کی وجہ سے کاروائی کئی بار روکنا پڑی۔

پاکستانی جیل میں قید سابق ہندوستانی افسر کلبھوشن پر بین الاقوامی عدالت کا فیصلہ آج

پاکستان کی جیل میں بند ہندوستانی بحریہ کے سابق فوجی افسر کلبھوشن جادھو کے معاملے میں بدھ کو ہیگ واقع بین الاقوامی عدالت (آئی سی جے) اپنا فیصلہ سنائے گی۔ ’دی ہیگ‘ کے پیس پیلس میں 17 جولائی کو ہندوستانی وقت کے مطابق شام ساڑھے چھ بجے کھلی سماعت ہوگی جس کے بعد چیف جسٹس عبدالقوی ...