آر بی آئی اقدار اور خودمختاری کو برقرار رکھوں گا:نو منتخب گورنرشکتی کانت داس
نئی دہلی:12/دسمبر(ایس او نیوز/آئی این ایس انڈیا) ریزرو بینک آف انڈیا(آربی آئی)کے نومنتخب گورنر شکتی کانت داس نے اپنے پہلے خطاب میں انسٹی ٹیوٹ کے پروفیشنلزم، اقداراعتماد اور خود مختاری کو برقرار رکھنے کی کوشش کا وعدہ کیا اور بینکاری سیکٹر پر توجہ مرکوز کرنے کی بات کہی۔انہوں نے کہاکہ آربی آئی کی خدمت کا موقع ملنا انتہائی اعزاز کی بات ہے اور وہ سب کے ساتھ مل کر ہندوستانی معیشت کے مفاد میں کام کریں گے۔آربی آئی گورنر شکتی کانت داس نے کہا کہ میں نے عوامی علاقے کے بینکوں کے سی ای اواور منیجنگ ڈائریکٹرز کی ایک میٹنگ جمعرات کو طلب کی ہے۔بینکاری ہماری معیشت کا اہم حصہ ہے اور اس وقت کئی ایسے چیلنجوں کا سامنا کر رہا ہے، جن سے نمٹا جاننا ضروری ہے،بینکنگ ایسا شعبہ ہے، جس پر اب توجہ مرکوز کرنا چاہتا ہوں ۔آپ کو بتادیں کہ ایک دن قبل شکتی داس کو ریزرو بینک آف انڈیا (آر بی آئی)کے گورنرکے طور پر مقرر کیا گیا ہے۔داس 1980کے بیچ تامل ناڈو کیڈر کے آئی اے اے افسر ہیں،وہ فنانس کمیشن کے رکن رہے ہیں۔ آپ کو بتادیں کہ پیر کے روز گورنر کے طور پرارجت پٹیل نے استعفی دے دیا تھا۔شکتی داس کی شناخت ایک بیوروکریٹ کی حیثیت رکھتی ہے جس نے مرکز میں تین مختلف فنانس وزراء کے ساتھ آسانی سے کام کیا۔