جلد ہاتھوں میں ہوگا 200کا نوٹ، وزارت خزانہ نے آربی آئی کو نوٹ جاری کرنے کی اجازت دی
نئی دہلی،23اگست(ایس او نیوز؍آئی این ایس انڈیا)حکومت نے بدھ کو ریزرو بینک آف انڈیا کو 200روپے کا نوٹ جاری کرنے کی اجازت دے دی۔اس سے چھوٹی قیمت کی کرنسی نوٹوں سے دباؤ کم کرنے میں مدد ملے گی۔وزارت خزانہ نے ایک نوٹیفکیشن میں کہا کہ ریزرو بینک کے مرکزی بورڈ آف ڈائریکٹرز کی سفارشات کے پیش نظر مرکزی حکومت 200روپے کا بینک نوٹ جاری کرنے کی اجازت دی ہے۔نیا 200کا نوٹ جلد چلن میں آنے کی امید ہے۔ذرائع نے کہا کہ 200کا نوٹ چھاپنے کا عمل شروع ہونے سے ملک میں کرنسی کی حیثیت کو بہتر بنانے میں مدد ملے گی۔گزشتہ سال نومبر میں نوٹ بندی کے اعلان کے بعد مرکزی بینک نے 500روپے کا نیا نوٹ جاری کیا تھا اور ساتھ ہی 2000روپے کا نوٹ پیش کیا تھا۔ایسا مانا جا رہا ہے کہ 200روپے کا نوٹ آنے کے بعد لوگوں کو 2000 روپے کی بڑی قیمت کی کرنسی کی وجہ سے جو دقتیں آرہی ہیں انہیں کم کیا جا سکے گا۔اس کے علاوہ ریزرو بینک نے 50کا نیا فلوریسنٹ بلیو نوٹ بھی پیش کیا ہے۔