’رتھ یاترا‘ روکنے والے کچلے جائیں گے: بی جے پی

Source: S.O. News Service | By Jafar Sadique Nooruddin | Published on 10th November 2018, 10:56 PM | ملکی خبریں |

کولکاتہ :10/نومبر(ایس او نیوز/آئی این ایس انڈیا)بی جے پی کے مغربی بنگال یونٹ کے ایک سینئر خاتون لیڈر نے ہفتہ کو کہا کہ وہ لوگ جو ریاست میں پارٹی کی مقررہ’’رتھ یاترا‘‘ کو روکنے کی کوشش کر رہے ہیں، وہ ’’ رتھ‘‘ کے پہیوں کے نیچے کچلے جائیں گے۔ ریاست کی خاتون مورچہ صدر لاکٹ چٹرجی نے بھی کہا کہ یہ ’’یاترا ‘‘ریاست میں ’’جمہوریت ‘‘کی بحالی کے مقصد سے کی جا رہی ہے۔ وہ مالدہ ضلع میں نامہ نگاروں سے بات چیت کر رہی تھیں۔ غور طلب ہے کہ بی جے پی صدر امت شاہ ان تین ’’رتھ یاتراؤں ‘‘کا آغاز کریں گے ۔ ریاست کی تمام 42 لوک سبھا سیٹوں پر محیط یہ ’’یاترا‘‘ پانچ، سات اور نو دسمبر کو ہوں گی۔’’یاترا ‘‘کے اختتام پر پارٹی کولکاتہ میں ایک وسیع ریلی منعقد کرے گی جس کے وزیر اعظم نریندر مودی کے خطاب کرنے کا امکان ہے۔ چٹرجی نے کہا کہ رتھ یاترا کا بنیادی مقصد مغربی بنگال میں جمہوریت کی بحالی ہے۔ ہم نے اسے پہلے بھی کہا ہے کہ ’’رتھ یاتراو‘‘ کو روکنے کی کوشش کرنے والے والوں کے سر رتھ کے پہیوں کے نیچے کچلے جائیں گے۔ چٹرجی کے اس بیان کی ریاست میں حکمران ترنمول کانگریس جنرل سکریٹری پارتھ چٹرجی نے یہ کہتے ہوئے مذمت کی ہے کہ بی جے پی لیڈر اکسانے والے بیان دے کر ریاست میں نقض امن اورعدم استحکام کی کوشش کر رہے ہیں ۔انہوں نے کہا کہ بی جے پی کا بنیادی مقصد بنگال میں اپنے فرقہ وارانہ ایجنڈے کو آگے بڑھانا ہے؛ اس لیے وہ اشتعال انگیز بیان دے رہے ہیں لیکن بنگال کے لوگ بی جے پی کی تقسیم سیاست کو کامیاب نہیں ہونے دیں گے۔ 

ایک نظر اس پر بھی

ایسی جھوٹی حکومت کبھی نہیں آئی ،اپوزیشن پوری طرح متحدرہے توبی جے پی اقتدارسے باہرہوگی،کولکاتہ مہاریلی میں برسے بی جے پی کے سابق لیڈر یشونت سنہا اور ارون شوری

ممتا بنرجی مودی حکومت کے خلاف ایک ریلی میں اپوزیشن جماعتوں کو متحد کرنے میں کامیاب رہیں۔ملک کی 20مختلف سیاسی جماعتوں کے لیڈران کو ایک اسٹیج پر دیکھا گیا ۔اس اسٹیج پرسابقہ بی جے پی حکومت میں وزیر رہے یشونت سنہا اور ارون شوری بھی شامل ہوئے ۔دونوں رہنماؤں نے ممتا کے اسٹیج سے مودی ...

ممتا کے منچ سے گرجے اکھلیش یادو، کہا، انتخابات کے دوران مودی حکومت سی بی آئی اور ای ڈی سے اتحاد کررہی ہے

آج کل مغربی بنگال کے دارالحکومت کولکاتہ حزب اختلاف کے اتحاد کی ایک علامت رہا۔وزیر اعلی ممتا بنرجی نے اپوزیشن یونٹی ریلی نے تقریباََ20جماعتوں کے رہنماؤں کا ایک اجتماع پیش کیا اور ہر ایک نے مودی حکومت پر مرحلہ وار حملہ کیا۔سماج وادی پارٹی کے سربراہ اکھلیش نے ٹائیگر بریگیڈ پریڈ ...

بھیوجی مہاراج خودکشی کیس میں قریبی سمیت 3افرادگرفتار،بھیجے گئے جیل

مدھیہ پردیش کے معروف بھیوجی مہاراج خودکشی کیس کے معاملے میں اندور پولیس نے بڑے خلاصے کیے ہیں۔پولیس نے کیس میں ایک خاتون سمیت 3افراد کو گرفتار کر لیا ہے، جن میں سے ایک مقتول کاسب سے قریبی سیوادار ہے۔ اندور ڈی آئی جی ہری نارائن چاری مشرا نے بتایا کہ اس معاملے میں ان کے سب سے خاص ...

مہاگٹھ بندھن ریلی پروزیراعظم مودی نے کیاطنز،کہا ،اپوزیشن کامہاگٹھ بندھن صرف مودی کے خلاف نہیں بلکہ ہندوستان کی عوام کے خلاف بھی

جہاں ایک طرف مغربی بنگال کے دارالحکومت کولکاتہ میں ترنمول کانگریس (ٹی ایم سی)کی صدر ممتا بنرجی کی قیادت میں متحدہ اپوزیشن نے مودی حکومت پر نشانہ لگایا تو وزیر اعظم نریندر مودی نے دمن-دیو اور دادر-ناگر حویلی کے سلواسا سے اپوزیشن پر حملہ کیا۔ انہوں نے کہا کہ اپوزیشن کامہاگٹھ ...

ممتاکے منچ سے اروند کجریوال کازبردست حملہ، مودی۔ شاہ نے 5سالوں میں وہ کردیاجو پاکستان اب تک نہ کرسکا، مسلمانوں کونشانہ بنایاگیا،خواتین کوگالی دینے والوں کووزیراعظم فالوکرتے ہیں

دہلی کے وزیراعلیٰ اورعام آدمی پارٹی کے کنوینر اروندکجریوال ممتابنرجی کی ریلی میں مغربی بنگال میں شامل ہوئے۔دہلی کے وزیراعلیٰ نے مودی اوربی جے پی کے قومی صدر امت شاہ کے خلاف آواز بلند کی۔کجریوال نے کہا کہ مودی نے وعدخلافی کی ہے۔مودی جی کی نوٹ بندی کی وجہ سے سو لاکھ نوکریاں ختم ...