افغانستان کی بنگلہ دیش پر 3۔0 سے کلین سوئپ مشفق الرحیم کو پلیئر آف دی میچ کا ایوارڈاورافغانستان کے راشد کو پلیئر آف دی سیریز قرار دیا گیا

Source: S.O. News Service | By Shahid Mukhtesar | Published on 9th June 2018, 12:21 PM | اسپورٹس |

دہرہ دون، 8 جون (یو این آئی) لیگ اسپنر راشد خان کے آخری بہترین اوور سے افغانستان نے تیسرے اور آخری ٹوئنٹی 20 میچ میں جمعرات کی رات ایک رن سے دلچسپ جیت حاصل کر کے بنگلہ دیش کو 3۔0 سے کلین سوئپ کر دیا۔افغانستان نے چھ وکٹ پر 145 رن کا مشکل اسکور بنانے کے بعد بنگلہ دیش کو پانچ وکٹ پر 144 رن پر روک دیا۔بنگلہ دیش کو آخری اوور میں جیت کے لئے نو رن چاہئے تھے لیکن راشد نے بنگلہ دیش کے منصوبوں کو پورا نہیں ہونے دیا۔میچ 18 اوور تک مکمل طور پرافغانستان کی جھولی میں تھا لیکن مشفق الرحیم نے 19ویں اوور میں کریم جنت کی گیندوں پر پانچ چوکے جڑے اور میچ کو دلچسپ بنا دیا۔راشد نے 20ویں اوور کی پہلی گیند پر مشفق کو آؤٹ کر دیا جبکہ محموداللہ میچ کو ٹائی کرنے کی کوشش میں آخری گیند پر رن آؤٹ ہو گئے ۔محموداللہ نے 38 گیندوں پر 45 رن اور مشفق نے 37 گیندوں پر 46 رن بنائے ۔راشد نے 24 رن دے کر ایک وکٹ لیا جبکہ مجیب الرحمن نے 25 رن پر ایک وکٹ اور کریم نے 44 رن پر ایک وکٹ لیا۔بنگلہ دیش کے تین بلے باز رن آؤٹ ہوئے ۔اس سے پہلے افغانستان کی اننگز میں محمد شہزاد نے 26، کپتان اصغر استنک زئی نے 27، سمیع اللہ شینواري نے ناٹ آؤٹ 33 اور عثمان غنی نے 19 رن بنائے ۔مشفق الرحیم کو پلیئر آف دی میچ کا ایوارڈ ملا جبکہ افغانستان کے راشد کو پلیئر آف دی سیریز قرار دیا گیا۔بنگلہ دیش کی جانب سے نظم السلام اور ابو زید نے دو، دو وکٹیں حاصل کیں۔ جواب میں بنگلہ دیش کی ٹیم 6 وکٹ پر 144رن ہی بنا سکی، مشفق الرحیم نے 46 اور محمود اللہ نے 45رنبنائے ۔ایک رن کی فتح کے ساتھ افغانستان نے سیریز میں اپنا پہلا وائٹ واش بھی مکمل کرلیا۔

ایک نظر اس پر بھی

جرمن ڈفینڈر ڈيالو نے پی ایس جی کے ساتھ کیا 5 سال کا معاہدہ

فرانس لیگ کی چیمپئن پیرس سینٹ جرمین نے فرینچ ڈیفنڈربنڈیس ليگا ابڈو ڈيالو سے پانچ سال کے لیے معاہدہ کیا ہے اور وہ کلب کے ساتھ اب 30 جون 2024 تک وابستہ رہیں گے۔ڈیالو کو اس معاہدہ کے تحت کلب 29 ملین پاؤنڈس دے گا جو ہندوستانی کرنسی کے حساب سے 2478112878 روپے ہوں گے۔

 ورلڈ کپ پا کر انگلینڈ جھوم اُٹھا مگر فتح کے فارمولہ پر تنقیدیں ، آئی سی سی کو متنازع ضابطے پر نظرثانی کا مشورہ دیا 

اتوار کو اعصاب شکن میچ میں انگلینڈ کی فتح سے جہاں پورا برطانیہ جھوم اٹھا ہے اور ملک بھر میں جشن کا ماحول ہے وہیں انٹر ننشنل کرکٹ کونسل (آئی سی سی ) کا وہ ضابطہ تنقیدوں کی زد پر آگیا ہے جس کی وجہ سے میچ اور بعد میں سُوپر اوور کے بھی ٹائی ہونے کے باوجودانگلینڈ کو فاتح قرار دیا گیا۔ ...

ورلڈ کپ کرکٹ ٹورنامنٹ کا فائنل بے حد دلچسپ؛ ٹائی ہونے کے بعد سوپر اوور میں بھی اسکور برابر؛ باونڈریس زائد ہونے پر انگلینڈ پہلی مرتبہ بنا ورلڈ چیمپئن

لندن کے لارڈس میدان میں منعقد ورلڈ کپ 2019 کرکٹ ٹورنامنٹ کا فائنل میچ ڈرامائی انداز میں ٹائی ہونے کے بعد  انگلینڈ  نے سوپر اوور کے بعد نیوزی لینڈ کو سنسنی خیز مقابلے   میں شکست دے دی اور پہلی بار عالمی کپ جیتنے میں کامیاب ہوگئی۔ فائنل مقابلہ اتنا دلچسپ اور کانٹے کا رہا کہ  ...