رشی کمار شکلانے سی بی آئی ڈائریکٹر کاعہدہ سنبھالا
نئی دہلی:4 /فروری (ایس اونیوز /آئی این ایس انڈیا)سی بی آئی کے نئے مقرر ڈائریکٹررشی کمار شکلا نے پیر کو تحقیقاتی ایجنسی کے سربراہ کے طور پرحلف لے لیا۔انڈین پولیس سروس (آئی پی ایس)کے 1983بیچ کے افسر شکلا ایسے وقت میں سی بی آئی کا عہدہ سنبھال رہے ہیں جب ایجنسی اور کولکاتہ پولیس کے درمیان تنازعہ سیاسی شکل اختیار کر چکا ہے اور مرکز اور مغربی بنگال حکومتیں ایک دوسرے کے سامنے کھڑی ہیں۔سی بی آئی کے ترجمان نیتن واکنکر نے کہا کہ آئی پی ایس آر کے شکلا نے پیر کو صبح سی بی آئی ڈائریکٹر کے طور پرحلف لے لیا۔ایجنسی کے کام میں استحکام آنے امکان امکان ،کیوں کہ وہ مدھیہ پردیش پولیس ڈی جی پی اور انٹیلی جنس ڈیپارٹمنٹ کے تجربہ کار افسر رہ چکے ہیں۔ایجنسی پہلے سے ہی پونجی گھوٹالے کے معاملات میں مغرب بنگال حکومت کی کارروائی کو چیلنج کرنے کے لئے سپریم کورٹ جانے کافیصلہ کرچکی ہے۔سی بی آئی کے عبوری سربراہ ایم ناگیشور راؤ کی صورت حال کچھ عجیب ہو گئی اور وہ مغربی بنگال پولیس کی کاروائی کا فوری طور پر جواب نہیں دے سکے۔مغربی بنگال میں نہ صرف سی بی آئی ٹیم کو حراست میں رکھا گیا تھا، بلکہ سٹی جھیل کے سی جی اوکیمپس میں واقع ایجنسی آفس کا محاصرہ بھی کیاگیا۔