ماؤنواز کے سازشی خط کے معاملے پر اپوزیشن پر برہم رام داس اٹھاولے

Source: S.O. News Service | By Shahid Mukhtesar | Published on 12th June 2018, 11:18 PM | ملکی خبریں | ان خبروں کو پڑھنا مت بھولئے |

جالنہ12جون (ایس او نیوز؍ آئی این ایس انڈیا ) مرکزی وزیر رام داس اٹھاولے وزیر اعظم کے قتل کی سازش کا انکشاف کرنے والے ماؤنواز لیڈر کے خط پر شک جتانے کے لئے اپوزیشن پارٹیوں پر جم کر برسے ہیں۔ انہوں نے کہا کہ اپوزیشن کو قومی سلامتی کے معاملے پر سیاست نہیں کرنی چاہئے۔ اٹھاولے نے شمالی مہاراشٹر میں منعقد پریس کانفرنس میں کہا کہ ایسے کئی مسائل ہیں جن پر آپ سیاست کر سکتے ہیں۔ لیکن اپوزیشن کو اس معاملے پر سیاست نہیں کرنی چاہئے کیونکہ یہ قومی سلامتی سے منسلک ہے۔بھیما۔ کوری گاؤں میں ہوئے تشدد کے معاملے میں گرفتار ہوئے ایک شخص کے پاس سے برآمد مبینہ ماؤنواز خط پر کچھ لیڈروں کے تبصرہ پر اکثر پوچھے گئے سوال کے جواب میں انہوں نے یہ رائے دی۔پولیس نے ایک عدالت کو بتایا کہ مبینہ خط میں راجیو گاندھی قتل کی طرح ہی مودی کے قتل کی سازش کی بات ہے۔ این سی پی سربراہ شرد پوار نے خط کی صداقت پر سوال اٹھائے ہیں اور کہا کہ بی جے پی ہمدردی حاصل کرنے کے لئے خطرے کا کارڈ کھیل رہی ہے۔ کانگریس کے سینئر لیڈر پی چدمبرم نے کہا کہ یہ خط غیر توثیق شدہ ہے اور اور وزیر اعظم کو پختہ تحفظ فراہم کرانا حکومت کا کام ہے۔ اٹھاولے نے پانچ افراد کی گرفتاری کو بھی جائز قرار دیا۔ انہوں نے کہا کہ پولیس کے پاس ان نکسلی سرگرمیوں سے منسلک کرنے کے لئے کافی ثبوت ہیں ۔ 

ایک نظر اس پر بھی

عام آدمی پارٹی اور مرکزی سرکار کی کھینچا تانی۔اپوزیشن کا تیسرامحاذ ہورہاہے مستحکم

دہلی میں حکومت چلانے کے لئے آئی اے ایس افسران کی طرف سے عدم تعاون کو مسئلہ بناکر دہلی کے وزیر اعلیٰ اروند کیجریوال نے لیفٹننٹ گورنرانیل بیجال کے دفتر میں جو دھرنا دے رکھا ہے اس کی حمایت میں چار غیر بی جے پی ریاستوں کے وزرائے اعلیٰ نے حمایت کا مظاہرہ کیا ہے۔

جموں کشمیر میں رمضان کے مقدس مہینے میں دہشت گردوں نے کیا اورنگ زیب کو شہید

رمضان کےمقدس مہینے میں جموں وکشمیر میں دہشت گردوں نے اغوا کرنے کے بعد فوج کے جوان اورنگ زیب کا قتل کردیا ۔ ہفتہ کو اورنگ زیب کی موت سے پہلے کا ایک مبینہ ویڈیو سوشل میڈیا پر جاری کیا گیا ، جس ویڈیو میں فوجی جوان سے پوچھ گچھ کی جارہی ہے۔

مدھیہ پردیش میں بی جے پی کی حالت خراب، شیوراج نہیں ہوں گے چہرہ

مدھیہ پردیش میں بی جے پی کی حالت خراب ہے، اقتدار مخالف لہر ہر طرف نظر آرہی ہے، لہذا اب انتخابی چہرہ شیوراج نہیں ہوں گے اور کم از کم 130 موجودہ بی جے پی ممبران اسمبلی کے ٹکٹ کاٹے جائیں گے، اتنا ہی نہیں کانگریس کو کمزور سمجھنے کی بھول کرنے والوں کو منہ کی کھانی پڑے گی، یہ پیغام کسی ...

ممبئی میں عیدالفطر مذہبی جوش وخروش سے منائی گئی ، عروس البلاد میں جشن کا ماحول

 ممبئی میں چاند کی عام رویت ہونے کے بعد سے عروس البلاد میں جشن کا سماں بندھ گیا اورسنیچر کی صبح شہر بھر کی مساجد میں فرزندان توحید نے نماز دوگانہ اداکی اور اپنے رب کے حضور سجدہ شکر اداکیا کہ ماہ صیام کے دوران اُس نے روزہ رکھنے اور مختلف عبادات کی توفیق عطا کی ۔

بھٹکل: مرڈیشور سمندر میں ڈوبنے والے ایک سیاح کو لائف گارڈ نے دی نئی زندگی

تعلقہ کے سیاحتی مقام مرڈیشور میں آج بنگلور کے ایک سیاح کو لائف گارڈ نے   ڈوبنے سے بچالیا اور ایک نئی زندگی عطا کی جس کی شناخت  یوراج (36) کی حیثیت سے کی گئی ہے۔ وہ بنگلور کے سری رام پورا کا رہنے والا ہے۔

دبئی ۔مینگلور ایئر انڈیا فلائٹ کوچی ایئر پورٹ کی طرف موڑ دیا گیا۔ عید کے لئے مینگلور پہنچنے والے مسافروں نے کیا رن وے پر احتجاج

دبئی سے آنے والی ایئر انڈیاایکسپریس فلائٹ AIE 814کومنگلورو ایئر پورٹ کے بجائے کوچی ایئر پورٹ پر لینڈ کرانے سے ناراض مسافروں نے کوچی ایئر پورٹ کے رن وے پر احتجاجی مظاہرہ کیا اور ایئر انڈیا کے کوتاہی اور غفلت پر سخت برہمی کا اظہار کیا۔

بنگلوروانٹرنیشنل ایرپورٹ میں 1.5 کے جی سونا ضبط

کسٹمز افسران کی آنکھوں میں دھول جھونک کر غیر قانونی طور پر دوبئی سے حیدرآباد لے جارہے تقریباً 1.5کے جی سو نے کے زیورات ضبط کرکے دو افراد کو گرفتار کرلیا ہے ۔ ملزمین پر الزام ہے کہ وہ ہوائی جہاز کے سیٹ کے نیچے سونا چھپائے ہوئے تھے ۔