رام ناتھ کووند آرایس ایس سے ہیں، اپوزیشن کو ضرور امیدوار اتارنا چاہئے:کمیونسٹ پارٹی
حیدرآباد، 19؍جون(ایس او نیوز؍آئی این ایس انڈیا )بی جے پی کی طرف سے صدر کے عہدے کا امیدوار اعلان کئے جانے کے بعدکچھ جماعتوں میں مخالفت کے سر پھوٹنے لگے ہیں۔بھارتی کمیونسٹ پارٹی نے کہا کہ اپوزیشن کو رام ناتھ کووندکے خلاف اپنا امیدوار ضرور کھڑا کرنا چاہئے۔دلت لیڈراوربہار کے گورنر کووند کو این ڈی اے کی جانب سے صدر کے عہدہ کا امیدوار قرار دیا گیا ہے۔کمیونسٹ پارٹی کے سیکرٹری جنرل سراورم سدھاکر ریڈی نے کہاکہ کووندبھی سنگھ سے ہیں۔وہ بی جے پی کے دلت مورچہ کے صدر رہے ہیں جو کہ سنگھ پریوار کی تنظیم ہے۔انہوں نے کہاکہ یقینی طورپروہ اپناامیدوارکھڑاکریں گے۔سنگھ سے چاہے کوئی بھی ہو، وہ مقابلہ کریں گے۔سی پی آئی لیڈر نے کہا کہ ان کی پارٹی یہ محسوس کرتی ہے کہ اپوزیشن کوضرور امیدوار کھڑاکرناچاہئے۔انہوں نے کہاکہ ہمارے ساتھیوں اور دیگر جماعتوں کے ساتھ مشاورت کرنے کے بعد اس بارے میں فیصلہ کیا جائے گا۔