اپوزیشن نے راجیہ سبھا میں خواتین ریزرویشن کامطالبہ کیا

Source: S.O. News Service | By Shahid Mukhtesar | Published on 5th January 2019, 10:32 AM | ملکی خبریں |

نئی دہلی، 5 جنوری (ایس او نیوز؍آئی این ایس انڈیا ) راجیہ سبھا میں آج سبھی پارٹیوں کے اراکین نے پارلیمنٹ اور اسمبلیوں میں خواتین اراکین کو 33فیصدریزرویشن دئیے جانے کے لیے قانون بنانے کا مطالبہ کیا۔خواتین اراکین نے وقفہ صفر کے دوران اس مسئلے کو اٹھاتے ہوئے کہا کہ نو سال پہلے راجیہ سبھا میں اس سلسلے میں ایک بل پاس کیاگیا تھا لیکن اس کے بعد سیاسی پارٹیوں میں اتفاق نہ ہونے کی وجہ سے اسے لوک سبھا میں پاس نہیں کیا جاسکا۔سماجوادی پارٹی کی جیا بچن نے کہا کہ ان کی پارٹی خواتین کو ریزرویشن دیئے جانے کے خلاف نہیں ہے۔لیکن اس بل کو موجودہ شکل میں پاس کئے جانیسے اس کا سب سے زیادہ فائدہ شہری اور امیر طبقے کی خواتین کوہوگا۔ان کی پارٹی دلت اور پسماندہ طبقے کی 33فیصد خواتین کو ریزرویشن کا فائدہ دئے جانے کے حق میں ہے۔انہوں نے کہا کہ آنے والے وقت میں لوک سبھا اور راجیہ سبھا میں سماجوادی پارٹی میں خواتین کی تعداد بڑھے گی۔تیلگودیشم پارٹی کی ٹی مہالکشمی نے خواتین کو ریزرویشن دیئے جانے کے مطالبے کی حمایت کرتے ہوئے کہا کہ ان کی پارٹی پوری طرح سے اس کے حق میں ہے۔ترنمول کانگریس کی شانتی چھیتری نے کہا کہ ان کی پارٹی میں 35فیصد خواتین اراکین ہیں۔ان کی پارٹی نے لوک سبھا انتخابات میں 35فیصد خواتین کو ٹکٹ دیا تھا۔
 

ایک نظر اس پر بھی

 گجرات:  ٹھاکر کمیونٹی کادقیانوسی قانون،لڑکیوں کے موبائل کے استعما ل پر مکمل پابندی، بھاگ کر شادی کرنے پر اہل خانہ کو بھرنا ہوگا جرمانہ 

گجرات کے بناس کا ٹھا میں ٹھا کر کمیونٹی کی طرف سے 12 دیہات میں عجیب و غریب اور دقیانوسی قوانین بنائے گئے ہیں۔ اس میں ایک اصول ایسا ہے کہ لڑکیاں اپنے پاس موبائل نہیں رکھ پائیں گی۔

 اب تمام علاقائی زبانوں میں ہون گے ڈاک محکمہ کے امتحانات، راجیہ سبھا میں ہنگامہ کے بعد حکومت نے منسوخ کیا پیپر 

ڈاک محکمہ کی گزشتہ ہفتے ہوئے ایک امتحان کا ذریعہ صرف ہندی اور انگریزی رکھنے کی مخالفت میں منگل کو راجیہ سبھا میں کئی جماعتوں کے ارکان کے ہنگامے کی وجہ سے کاروائی کئی بار روکنا پڑی۔

پاکستانی جیل میں قید سابق ہندوستانی افسر کلبھوشن پر بین الاقوامی عدالت کا فیصلہ آج

پاکستان کی جیل میں بند ہندوستانی بحریہ کے سابق فوجی افسر کلبھوشن جادھو کے معاملے میں بدھ کو ہیگ واقع بین الاقوامی عدالت (آئی سی جے) اپنا فیصلہ سنائے گی۔ ’دی ہیگ‘ کے پیس پیلس میں 17 جولائی کو ہندوستانی وقت کے مطابق شام ساڑھے چھ بجے کھلی سماعت ہوگی جس کے بعد چیف جسٹس عبدالقوی ...