سیکوریٹی اورفوج کے جوانوں نے کامیابی حاصل کی:راج ناتھ سنگھ
نئی دہلی20فروری(ایس او نیوز؍آئی این ایس انڈیا) مرکزی وزیر داخلہ راج ناتھ سنگھ نے پلوامہ حملے کاسرغنہ سمیت جیشِ محمد کے دو دہشت گردوں کو سکیورٹی فورس کی جانب سے ہلاک کیے جانے کو بڑی کامیابی بتا یا۔مسٹرراج ناتھ سنگھ نے یہاں ایک تقریب سے الگ اس متعلق سوال پوچھے جانے پرکہا’’ہماری فوج اور سکیورٹی فورس کے جوان سارے کاموں کو مسلسل انجام دے رہے ہیں ، سکیورٹی اور فوج کے جوانوں کے لیے یہ اچھی کامیابی ہے ، بڑی کامیابی ہے ‘‘۔ واضح رہے کہ سکیورٹی فورس نے پلوامہ میں پیر کے روز جیشِ محمد کے دو دہشت گردوں کو ہلاک کیا تھا۔ ان میں ایک رشید غازی بھی شامل ہے جس کو ضلع پلوامہ میں 14 فروری کو سینٹرل ریزرو پولیس فورسز( سی آرپی ایف ) کے جوانوں پر ہوئے حملے کا سرغنہ مانا جا رہا تھا۔ اس حملے میں 40 سے زائد جوان شہید ہو گئے تھے۔