راجستھان : پولنگ کی تیاریاں مکمل، دولاکھ سے زائد ای وی ایم مشینوں کا استعمال ہوگا
جے پور ،02؍ دسمبر (ایس او نیوز؍آئی این ایس انڈیا) راجستھان میں اسمبلی انتخابات کے لیے ووٹنگ آزاد، منصفانہ اور بے خوف طریقے سے کرتے ہیں اور ووٹنگ بنیادی سہولیات فراہم کرنے سمیت تمام تیاریاں مکمل کر لی گئی ہیں۔اسمبلی انتخابات کے لئے ریاست میں ووٹنگ سات دسمبرکوہوگی۔
چیف الیکشن افسر خوشی کمار نے بتایا کہ پولنگ کے لیے دولاکھ سے زیادہ ای وی ایم اور وی وی پیٹ مشینوں کااستعمال کیا جا رہا ہے۔کسی بھی سطح پر کوئی تکنیکی مسئلہ نہ آئے اس کے لیے حکام کو کئی بار ٹریننگ دی جاچکی ہے۔
کمار نے بتایا کہ ماکپول کے دوران ڈالے گئے ووٹوں کی تعداد کے مطابق پرچیوں کی کاؤنٹنگ کی گئی ہے اور تمام ریکارڈ ہندوستان کے الیکشن کمیشن کے عمل کے مطابق محفوظ رکھا گیا ہے۔ووٹنگ کے لیے تیار تمام ای وی ایم۔وی وی پیٹ کو اسٹرانگ روم میں سخت سیکورٹی میں رکھاہے۔