جے پور،10 ؍فروری (ایس او نیوز؍آئی این ایس انڈیا) راجستھان کی اسمبلی پیر سے پھر بیٹھے گی۔سیشن کے اس مرحلے کے دوران ریاستی حکومت کی طرف سے کئی اہم بل اور تجاویز کو منظور کروائے جانے کا امکان ہے۔رام گڑھ سے نو منتخب رکن اسمبلی صفیہ زبیر پیر کو حلف لیں گی۔

قابل ذکر ہے کہ الور ضلع کی رام گڑھ سیٹ پر 28 فروری کو ہوئے انتخابات میں کانگریس کی صفیہ زبیر کامیاب ہوئیں۔اس سیٹ پر بی ایس پی امیدوار کے انتقال کی وجہ سے انتخابات بعد میں ہوا ہے۔ایوان کی کارروائی دوبارہ ایسے وقت میں شروع ہو رہی ہے جب ریاست میں گوجروں کی تحریک چل رہی ہے۔پیر کو وزیر اعلی اشوک گہلوت کچھ سالانہ رپورٹ ایوان میں رکھیں گے۔اسی طرح شہری ترقی اور ہاؤسنگ وزیر امن کمار دھاریوال کچھ نوٹیفیکیشن ایوان کے سامنے رکھیں گے۔ریاست کا یہ 15 ویں اسمبلی کا پہلا سیشن 15 جنوری کو شروع ہوا تھا۔گورنر کے خطاب پر بحث کے بعد 23 جنوری کو ایوان کی کارروائی ملتوی کر دی گئی تھی۔