کانگریس نے باپو کو خراج عقیدت پیش کر مہنگائی کے خلاف شروع کیا مارچ

Source: S.O. News Service | By Shahid Mukhtesar | Published on 10th September 2018, 9:38 PM | ملکی خبریں |

نئی دہلی،10؍ ستمبر (ایس او نیوز؍آئی این ایس انڈیا) تیل کی قیمتوں میں اضافے کے خلاف بھارت بند کو کامیاب بنانے کے لئے کانگریس کے صدر رہل گاندھی خود میدان میں اتر آئے ہیں۔ کیلاش مان سروور یاترا سے دہلی واپس آنے کے بعد وہ صبح 9 بجے راج گھاٹ پہنچے اور مہاتما گاندھی گلہائے عقیدت پیش کر مارچ شروع کر دیا۔ یہ مارچ دریا گنج ہوتے ہوئے رام لیلا میدان پہنچاجہاں کانگریس کے ساتھ شامل 20اپوزیشن پارٹیوں کے ذریعہ احتجاج اور مظاہر ہ کیا جائے گا۔ اس بند کو کامیاب بنانے کے لئے سونیا گاندھی بھی رام لیلا میدان میں پہنچ گئی ہیں۔ اس سے قبل مارچ میں شامل رہنما پٹرول ۔ذیزل کی مسلسل بڑھتی قیمتوں کو لے کر وزیر اعظم نریندر مودی کے خلاف نعرے بازی کررہے تھے۔ ان کا کہنا تھا کہ جو سرکار نکمی ہے ، وہ سرکار بدلنی ہے۔ وہ مودی ہٹاؤ جیسے نعرے بلند کر رہے تھے۔ بھارت بند میں راہل گاندھی کے ساتھ کانگریس کے غلام نبی آزاد، اشوک گہلوت، اجے ماکن سمیت اپوزیشن پارٹیوں کے کئی سینئر لیڈر بھی راج گھاٹ اور اس کے بعد شروع ہوئے مارچ کے بعد رام لیلا میدان پرپہنچے۔

ایک نظر اس پر بھی

ایڈی یورپا کو پارٹی ہائی کمان کی تنبیہ۔ وزارتی قلمدان تقسیم کرو یا پھر اسمبلی تحلیل کرو

عتبر ذرائع سے ملنے والی خبر کے مطابق بی جے پی ہائی کمان نے وزیراعلیٰ کرناٹکا ایڈی یورپا کو تنبیہ کرتے ہوئے کہا ہے کہ وزارتی قملدانوں سے متعلق الجھن اور وزارت سے محروم اراکین اسمبلی کے خلفشار کو جلد سے جلد دور کرلیں ورنہ پھر اسمبلی کو تحلیل کرتے ہوئے از سرِ نو انتخابات کا سامنا ...

چار فرضی صحافیوں کو پولیس نے کیا گرفتار

گوتم بدھ نگر ضلع تھانہ بیٹا کے پولیس نے چار افراد کو گرفتار کیا جن پر الزام ہے کہ وہ صحافی ہونے کا دعوی کرکے غیر قانونی وصولی کرتے تھے اور اپنے مفاد کے لئے انتظامی حکام پر دباؤ بناتے تھے۔