رائے پور ،19 ؍اگست (ایس او نیوز؍آئی این ایس انڈیا) چھتیس گڑھ کے وزیراعلیٰ ڈاکٹر رمن سنگھ نے ریاست میں چوتھی بار بی جے پی کے اقتدارمیں آنے کے لئے ماحول کو پوری طرح سے پارٹی کے حق میں ہونے کا دعوی کرتے ہوئے آج کہا کہ کانگریس صدر راہل گاندھی کے اسمبلی انتخابات کی کمان اپنے ہاتھ میں لینے پر بھی بی جیپی کو کوئی فرق ہیں پڑنے والا ہے۔

ڈاکٹررمن سنگھ نے آج یہاں راہل گاندھی کے اسمبلی انتخابات کی کمان اپنے ہاتھ میں رکھنے کی خبروں کے بارے میں پوچھے جانے پر یہ تبصرہ کرتے ہوئے کہاکہ راہل کے صدرکا عہدہ سنبھالنے کے بعد کانگریس7 ریاستوں میں اسمبلی انتخابات ہارچکی ہے۔ اس سے ہی ان کے عوام کے بیچ کے اثرکا جائزہ لیا جاسکتا ہے۔

انھوں نے کہاکہ کون کمان سنبھالے گا کون نہیں یہ تو ان کا معاملہ ہے، لیکن وہ راہل گاندھی کو چھتیس گڑھ اسمبلی کے انتخابات میں کوئی چیلنج نہیں مانتے ہیں۔ کانگریس اور بہوجن سماج پارٹی کے ممکنہ اتحاد سے انتخابات میں بی جیپی پر پڑنے اثرات کے بارے میں پوچھے جانے پر انھوں نے کہاکہ ہر انتخاب میں نئے اتحاد بنتے ہیں اور کمزور پارٹیاں مضبوط پارٹی کے خلاف مل کر انتخابی میدان میں اترنے کی کوشش کرتی ہیں۔

ڈاکٹر سنگھ نے کہاکہ کسی بھی حالت میں بی جیپی کو مکمل اکثریت دلانے کی حکمت عملی پر تنظیم کام کررہی ہے۔ انہوں نے کہاکہ سبھی سیاسی سرگرمیوں اور ممکنہ اتحاد پر پوری نظر رکھی جارہی ہے اور اسی کے مطابق حکمت عملی میں تبدیلی بھی ہوتی رہتی ہے۔ انھوں نے کہاکہ کانگریس بی ایس پی اتحاد ہویا نہ ہووہ ہرانتخاب کو چیلنج مانتے ہیں اور اسی کے حساب سے کام کرتے ہیں۔انھوں نے کہاکہ آخر ی گیند تک وہ جدوجہد جاری رکھنے پرپر یقین رکھتے ہیں۔