نئی دہلی،13؍دسمبر (ایس او نیوز؍آئی این ایس انڈیا) کانگریس کے صدر بننے کے بعد راہول گاندھی نے نجی ٹی وی کو دیئے گئے انٹرویو میں گجرات کے انتخابات سے لیکر بی بی جے پی کے کئی الزامات کا جواب دیا۔ راہل گاندھی نے کہا کہ گجرات کے انتخابات میں کانگریس کامیاب ہو رہی ہے اور ان کی کامیابی یک طرفہ ہے۔ انہوں نہ صرف یہ کہ انہوں نے بی جے پی اور نریندر مودی کی طرف سے لگائے گئے الزاما ت کو بے بنیاد قرار دیا ، انہوں نے کہا کہ میں اس نفرت کی سیاست کے مقابلے میں مضبوط بن گئے ہیں حتی کہ مودی نے اس سلسلے میں میری کافی مدد کی ہے۔راہل گاندھی نے کہا کہ گجرات انتخابات میں لوگوں کی آواز بن کر بی جے پی اور مودی سے سوالات پوچھ رہے ہیں ۔ میں صرف پیار سے جاکر ان سے ملا تھا اور ان کے گلے لگا تھا ۔ کسانوں سے جب ان کے احوال کی پرسش کی تو معلوم ہو ا کہ ان کے اناج و غلہ کی درست قیمت بھی نہیں ملتی ہے تو میں نے سرکار سے سوال کیا ۔ تاجروں سے جب ملاقات کی تو ان کو جی ایس ٹی سے پریشان دیکھا میں نے تاجروں کے مسائل کے تحت سرکارسے سوال کیا ۔ آدی واسیوں سے ملاقات کی تو معلوم ہوا کہ انہیں پانی نہیں ملتا ہے تو میں نے سرکار سے سوال کیا ۔ راہل گاندھی نے اپنے موقف کا اعادہ کرتے ہوئے کہا کہ جو کچھ میں نے کہا وہ گجرات کے مفلوک الحال عوام کی آواز تھی۔راہل گاندھی نے کہا موجودہ بھاجپائی سرکار راہل گاندھی سے نہیں ؛ بلکہ گجرات سے خوفزدہ ہے ۔راہول گاندھی نے پھر ایک سوال کرتے ہوئے کہا کہ یہ کیسی تبدیلی ہے؟ یہ تبدیلی نہیں ہے ؛ بلکہ عوام کی گاڑھی کمائی پر شب خون ہے ۔ بدھ کو راہل نے کہا کہ کیا ان کا مندر جانا منع ہے ؟ میں مندر اس لیے جاتا ہوں تاکہ ملک کی ترقی اور نوجوانوں کے روزگار کے لیے ’’ پرارتھنا ‘‘ کرسکوں ۔