راہل گاندھی کا مودی پر پھر حملہ : کہا، وزیر اعظم کو معاشی بدنظمی کی اصلاح کے لیے آربی آئی سے 3.60 لاکھ کروڑ روپیوں کی ضرورت ہے

Source: S.O. News Service | By Jafar Sadique Nooruddin | Published on 6th November 2018, 8:38 PM | ملکی خبریں |

نئی دہلی:6/نومبر(ایس او نیوز/آئی این ایس انڈیا)کانگریس صدر راہل گاندھی نے ایک بار پھر پی ایم مودی پر حملہ بولا ہے۔ راہل گاندھی نے ایک میڈیا رپورٹ کو لے کر وزیر اعظم نریندر مودی پر طنز کرتے ہوئے کہا کہ وزیر اعظم کو اپنے اقتصادی اصولوں کی وجہ سے پھیلی افراتفری کو حل کرنے کے لئے اب ریزرو بینک سے 3.60 لاکھ کروڑ روپے کی بڑی رقم کی ضرورت پڑ گئی ہے۔

ایک اخبار کی رپورٹ میں دعوی کیا گیا ہے کہ حکومت ریزرو بینک سے 3.60 لاکھ کروڑ روپے کا مطالبہ کر رہی ہے۔ کانگریس صدر نے ریزرو بینک کے گورنر ارجت پٹیل سے بھی کہا ہے کہ وہ وزیر اعظم کے سامنے ڈٹ کر کھڑے ہوں اور ملک کی حفاظت کریں ۔ راہل گاندھی کے الزامات پر فوری طور پر کوئی رد عمل سامنے نہیں آیا ہے۔ کانگریس صدر نے میڈیا میں شائع خبر کو پوسٹ کر اس کے ساتھ ٹویٹ کیا ہے۔ خبر میں دعوی کیا گیا ہے کہ آر بی آئی۔حکومت کے درمیان تعطل وزارت خزانہ کے اس تجویز کو لے کر پیدا ہوا ہے جس میں حکومت ریزرو بینک کی بچت سے 3.6 لاکھ کروڑ روپے لینا چاہتی ہے جو مرکزی بینک کی 9.59 لاکھ کروڑ روپے کی مخصوص رقم کے ایک تہائی سے زیادہ ہے۔ راہل گاندھی نے الزام لگایا کہ حکومت اپنی د بنگئی کی پالیسی سے اداروں کو کھوکھلا کررہی ہے ۔ آر بی آئی کے ایک ڈپٹی گورنر کی طرف سے مرکزی بینک کی خود مختاری کو لے کر فکر کے اظہار کے بعد مودی حکومت اور ریزرو بینک کے درمیان اختلافات گزشتہ دنوں عوام میں پھیل گئے ۔ڈپٹی گورنر ویرل آچاریہ نے کہا تھا کہ جو حکومتیں ان مرکزی بینک کی خود مختاری کا احترام نہیں کرتیں ا نہیں دیر سویراس کا خمیازہ بھگتنا پڑتا ہے ۔اس کے جواب میں وزارت خزانہ نے کہا کہ آر بی آئی ایکٹ کے تحت مرکزی بینک کی خود مختاری ضروری ہے ۔حکومت اور مرکزی بینک دونوں کو ہی عوامی مفاد میں اور ہندوستانی معیشت کی ضرورت کو ذہن میں رکھ کر کام کرنا چاہئے۔ 

ایک نظر اس پر بھی

اعظم خان کے سامنے بی جے پی کا کوئی بھی ہتھکنڈہ کارگر نہیں ہوگا: مایاوتی

اترپردیش کے رامپور پارلیمانی سیٹ سے سماجوادی کے قدآور لیڈر و پارٹی امیدوار اعظم خان کی حمایت میں ووٹروں سے ووٹ کرنے کی اپیل کرتی ہوئیں بی ایس پی سپریمو مایاوتی نے کہا کہ مرکز میں برسراقتدار پارٹی لاکھ ہتھکنڈے اپنائے لیکن رامپور سے اتحاد کے امیدوار اعظم خان کی جیت یقینی ہے۔

مودی چنندہ صنعت کاروں کے چوکیدار، عوام دوسرا موقع نہیں دے گی: راہل گاندھی

کانگریس صدر راہل گاندھی نے آج کہاکہ ملک کی چوکیداری کرنے کا دعویٰ کرنے والے وزیراعظم نریندر مودی حقیقت میں انیل امبانی سمیت کچھ چنندہ صنعت کاروں کے چوکیدار ہیں اس لئے عوام نے انہیں ڈیوٹی سے ہٹانے کا من بنا لیا ہے۔

فلم کے بعد پی ایم مودی پربنی ویب سیریز کے نشریات پربھی الیکشن کمیشن نے لگائی روک

وزیر اعظم نریندر مودی کے ساتھ منسلک ایک ویب سیریز کو الیکشن کمیشن کی جانب سے جھٹکا لگا ہے۔دراصل الیکشن کمیشن نے اس ویب سیریز کو ریلیز کر رہے پلیٹ فارمس ارس ناؤ کو نوٹس جاری کر اسے فوری اثر سے ہٹانے کا حکم دیا ہے۔