یوگی سے ملنے کے لیے دلتوں کوشیمپوبانٹے پرراہل گاندھی نے بنایا نشانہ ؛پوچھا ،بی جے پی اپنی ذہنیت صاف کرنے کے لئے کون سا صابن استعمال کرے گی ؟
نئی دہلی29؍مئی(ایس اونیوز؍آئی این ایس انڈیا)کانگریس کے نائب صدر راہل گاندھی نے پیرکواتر پردیش کے وزیراعلیٰ یوگی آدتیہ ناتھ پرنشانہ لگایا۔راہل گاندھی نے یہ حملہ ان خبروں کو لے کر کیا، جس میں یوگی آدتیہ ناتھ کے دورے سے پہلے دلت خاندانوں کو خود کو صاف رکھنے کے لئے صابن بانٹے گئے۔راہل گاندھی نے اس خبر کا حوالہ دیا، جس میں وزیراعلیٰ آدتیہ ناتھ کے جمعرات کے دورے سے پہلے کشی نگر ضلع کے مین پور دیناپٹٹی گاؤں کے خاندانوں کو صابن، خوشبو اور شیمپوبانٹے گئے تھے۔اس پرراہل گاندھی نے ایک ٹویٹ کر کے پوچھاکہ مجھے بتائیے کہ بھارتیہ جنتا پارٹی (بی جے پی)اپنی گندی ذہنیت کو صاف کرنے کے لئے کون سا صابن استعمال کرے گی۔کشی نگر کے مینپر دیناپٹٹی گاؤں کے خاندانوں کو یوگی آدتیہ ناتھ کے جمعرات کے دورے کے دوران عوامی پروگرام میں شرکت سے پہلے دو صابن اور شیمپو خود کو صاف کرنے کے لئے دی گئی تھی۔