الگ موڈ میں راہل گاندھی، مودی حکومت پرکسا طنز، شیئرکیامزاحیہ ویڈیو

Source: S.O. News Service | Published on 16th July 2017, 10:58 PM | ملکی خبریں |

نئی دہلی، 16/جولائی (ایس او نیوز/آئی این ایس انڈیا)کانگریس نائب صدر راہل گاندھی گزشتہ کچھ دنوں سے نریندر مودی حکومت کے خلاف جارحانہ تیور اپنارہے ہیں۔امرناتھ یاترا کے دوران ہوئے دہشت گردانہ حملے، نوٹ بند ی کے بعد اب راہل گاندھی نے این ڈی اے حکومت کی پالیسیوں کو لے کر طنز کسا ہے،لیکن اس بار ان کا انداز بھی بدلا بدلاسا ہے۔ راہل نے ایک مزاحیہ ویڈیو ٹوئٹ کیا ہے، جس میں ایک لڑکے اورلڑکی کسی ریسٹورنٹ میں پیسوں کی لین دین کرتے دکھائی دے رہے ہیں۔راہل گاندھی نے اس ویڈیوکاکیپشن دیا ہے’این ڈی اے کی غریبوں کی مفاد والی پالیسی‘۔اس سے پہلے جمعرات کو بھی راہل نے ٹوئٹ کرکے طنز کسا تھا۔راہل گاندھی نے چٹکی لیتے ہوئے ٹوئٹر پر لکھا تھا کہ حکومت نوٹوں کی گنتی کرنے کے لیے ریاضی کے اساتذہ کو تلاش کر رہی ہے، دلچسپی رکھنے والے لوگ پی ایم ا و سے رابطہ کر سکتے ہیں۔دراصل راہل گاندھی نے ٹوئٹر پر نوٹ بند ی کے بعد پرانے نوٹوں کے اعدادوشمار سے جڑی ایک خبر کو ٹیگ کرتے ہوئے مرکزی حکومت پر طنز کسا ہے۔غورطلب ہے کہ بدھ کو جب ریزرو بینک کے گورنر ارجت پٹیل پارلیمنٹ کی مالی امور کی مستقل کمیٹی کے سامنے پیش ہوئے تو زیادہ تر ارکان نے ان سے یہی سوال پوچھا کہ نوٹ بند ی کے بعد ریزرو بینک کے پاس کتنے نوٹ آئے۔ارجت پٹیل نے کمیٹی کے ممبران کو بتایا تھا کہ نوٹ بند ی کے وقت 17.7لاکھ کروڑ روپے کی کرنسی مارکیٹ میں تھی، جن میں سے زیادہ تر 500اور 1000روپے کے نوٹ تھے،لیکن ان میں سے کتنا روپیہ پرانے نوٹ کی شکل میں واپس آ چکا ہے؟ اس سوال پر ارجت پٹیل نے گول مول جواب دیا تھا۔
 

ایک نظر اس پر بھی

بہار کے بعد اب یوپی میں بی جے پی کا آپریشن؛ ایس پی اور بی ایس پی دونوں پارٹیوں کے ممکنہ اتحادکوروکنے کی ہرممکن ہوگی کوشش

 بہار میں قلعہ فتح کرنے کے بعد اب بی جے پی کا اگلا نشانہ یوپی ہوگا۔یوپی میں اپوزیشن کے ممکنہ مہاگٹھ بندھن کومنہدم کرنااب بی جے پی کی ترجیح ہے۔نتیش کمارکی حلف برداری کی تقریب کے فوراََبعدیوپی کے وزیراوربڑے لیڈرسددھارتھناتھ سنگھ نے ٹویٹ کرکے اس کا اشارہ کر دیاہے۔

یوپی اسمبلی سے ایس پی اوربی ایس پی ممبران کاواک آؤٹ

 اترپردیش قانون ساز کونسل میں آج ایس پی اوربی ایس پی ممبران نے مختلف مسائل کو لے کر ایوان سے واک آؤٹ کیاہے۔وقفہ صفرکے دوران ایس پی ارکان نے التواء کی تجویزکے ذریعے ریاست میں اساتذہ کے ایڈجسٹمنٹ کا معاملہ اٹھا۔ایس پی ارکان نے کہا کہ پچھلی ایس پی حکومت نے 12ہزار 460بی ٹی سی اساتذہ ...

لالویادوکے خاندان کے خلاف کارروائی کاسلسلہ جاری ای ڈی نے لالویادو، رابڑی،تیجسوی سمیت متعددلیڈروں پر منی لائونڈرنگ کاکیس درج

بہارمیں لالویادو خاندان پرایک اور بحران گہراگیاہے۔ رانچی اور پوری کے ہوٹلوں کو لیز پر دینے کے معاملے میں لالو، رابڑی اورتیجسوی یادو سمیت کئی لوگوں پر کیس درج کیاہے۔

ارون جیٹلی اورکے سی سی تیاگی شرد یادوکو منانے میں مصروف ،مرکزی وزارت پرڈیل ممکن؛ نتیش کمارکواسمبلی میں آج جمعہ کو ثابت کرنا ہوگا اکثریت

نتیش کمار کے مہاگٹھ بندھن چھوڑنے کے بعد بی جے پی کے ساتھ ملنے پر پارٹی کے سینئر لیڈر شرد یادو ناراض ہیں۔انہوں نے نتیش کمار سے اس فیصلے کے خلاف اپنا موقف بتا دیاہے۔جے ڈی یوکے دوسرے سینئر رہنما علی انور نے تو پارٹی کے فیصلے کے خلاف کھل کر بولا بھی ہے اور شرد یادو سے ملنے کے بعد کہا ...

28 جولائی کو بستر آئیں گے راہل گاندھی

کانگریس نائب صدر راہل گاندھی28جولائی کودوروزہ قیام پربسترپہنچیں گے۔راہل گاندھی اس دوران بہت سے پروگراموں میں شامل ہوں گے۔کانگریس جنرل سکریٹری اور چھتیس گڑھ انچارج پی ایل پنیا نے آج یہاں ایک پریس کانفرنس میں بتایاکہ گاندھی 28تاریخ کوبسترضلع کے ہیڈ کوارٹر جگدل پور پہنچیں گے۔