نئی دہلی ،21؍ فروری (ایس او نیوز؍آئی این ایس انڈیا)کانگریس صدر گاندھی کرناٹک میں آئندہ اسمبلی انتخابات کے لئے 24 فروری سے اپنے انتخابی مہم کو دوبارہ شروعات کریں گے۔اپنے تین دن کے دورے میں راہل بے لگام، وجے پورا (بیجاپور)، بگلکوٹ اور دھارواڑ اضلاع میں جائیں گے۔ آل انڈیا کانگریس کمیٹی (اے آئی سی سی)میں علاقے کے انچارج مانکم ٹیگور نے بتایاکہ گاندھی ہماری ’یاترا ‘کے تحت مسلسل تین دنوں تک ریاست کے ان علاقوں کا دورہ کریں گے۔انہوں نے بتایا کہ کانگریس صدر اس یاتر میں عوامی جلسے اور صرف خواتین کی ریلی سے خطاب کریں گے۔مختلف گروپوں کے ساتھ ان کے بات چیت کرنے کا امکان ہے۔پارٹی ذرائع کے مطابق اس یاترامیں کانگریس صدر تشہیری مہم کے اس اگلے دور میں مندروں اور درگاہوں میں بھی جا سکتے ہیں۔اس سے پہلے راہل نے 10 سے 13 فروری تک کرناٹک کا دورہ کیا تھا۔کرناٹک کی 224 رکنی اسمبلی کے لئے ابھی انتخابات کا اعلان نہیں ہوا ہے جہاں کانگریس اپنا اقتدار برقرار رکھنے کے لئے بڑے پیمانے پر تشہیر کر رہی ہے۔