نئی دہلی، 24اگست؍(ایس او نیوز/آئی این ایس انڈیا)کانگریس نائب صدر راہل گاندھی نے وزیر اعظم نریندر مودی پر ان کے اس مبینہ تبصرے کے لئے طنز کسا کہ بی جے پی کو دلتوں کو اپنے ساتھ جوڑنے کی ضرورت ہے کیونکہ قوم پرست تو پہلے سے ہی پارٹی کے ساتھ ہیں۔راہل نے حیرانی سے سوال کیا کہ کیا وہ مودی دلتوں اور پسماندہ طبقات کو قوم پرست نہیں مانتے۔راہل گاندھی نے ٹویٹ کیا کہ مودی جی اب کیا دلت اور پسماندہ قوم پرست نہیں ہیں؟۔کانگریس نائب صدر راہل گاندھی بی جے پی کور گروپ کی میٹنگ میں کل وزیر اعظم مودی کے اس تبصرہ پر رد عمل ظاہر کر رہے تھے جس میں انہوں نے مبینہ طور پر کہا تھا کہ بی جے پی کی قوم پرست شناخت کو کمزور کئے بغیر پارٹی کو دلتوں اور پسماندہ طبقات کو اپنے ساتھ جوڑنے کی ضرورت ہے۔خبریں یہ تھیں کہ مودی نے کل کہا تھا کہ قوم پرست بی جے پی کے ساتھ ہیں اور پارٹی کو دلتوں اور پسماندہ طبقات کو اپنے ساتھ لانے کی ضرورت ہے۔بی جے پی اگلے سال کے شروع میں اتر پردیش اور پنجاب سمیت پانچ ریاستوں میں ہونے والے اسمبلی انتخابات سے پہلے دلتوں کوجوڑنے کی کوشش کر رہی ہے۔