انتخابات میں کانگریس کو کامیاب بنانے کیلئے حکمت عملی پر غور،راہول گاندھی کے ساتھ ریاستی قائدین کی تفصیلی بات چیت

Source: S.O. News Service | Published on 13th January 2018, 10:52 PM | ریاستی خبریں |

بنگلورو،13؍ جنوری(ایس او نیوز؍عبدالحلیم منصور) ریاست کے اقتدار پر برقرار رہنے کانگریس کی حکمت عملی وضع کرنے اور آنے والے اسمبلی انتخابات کانگریس قائدین متحد ہوکر لڑنے کے سلسلے میں آج اے آئی سی سی صدر راہول گاندھی نے وزیراعلیٰ سدرامیا اور دیگر کانگریس قائدین کو ضروری ہدایات دی ہیں، اور تمام لیڈروں کو یہ سخت تاکید کی ہے کہ متحد ہوکر ان انتخابات کا سامنا کریں۔ دہلی میں اپنی رہائش گاہ پر اگلے انتخابات کے متعلق تبادلۂ خیال کیلئے طلب کی گئی کرناٹک کے لیڈروں کی میٹنگ میں راہول گاندھی نے بی جے پی اور جنتادل (ایس) کی طرف سے حکومت کو بدنام کرنے خاص طور پر بی جے پی کی طرف سے فرقہ واریت کو ہوا دینے کیلئے جو سازشیں رچی جارہی ہیں ان کا مقابلہ پوری ہوشمندی کے ساتھ جذبات میں آئے بغیر کرنے راہول گاندھی نے سدرامیا اور پرمیشور کو مشورہ دیا۔کسی بھی حال میں ترقی کے پلاٹ فارم پر چناؤ لڑکر اگلے انتخابات میں پارٹی کو اقتدار سے ہمکنار کرنے پر زور دیا گیا۔ پرمیشور اور سدرامیا کے علاوہ ریاست کے دیگر چند سیاسی قائدین بھی میٹنگ میں موجود رہے۔ راہول گاندھی نے لیڈروں سے کہاکہ ریاست میں ہر سطح کے قائد کو اعتماد میں لے کر پارٹی کو کامیاب بنانے کی کوشش کی جائے۔ انتخابات کے متعلق کسی بھی حلقہ سے ملنے والے مشوروں کو نظر انداز نہ کیا جائے۔ فرقہ وارانہ جذبات کو ہوا دینے اور پیسہ پانی کی طرح بہانے بی جے پی کی حکمت عملی اور معلق اسمبلی کے قیام کی صورت میں سیاسی فائدہ اٹھانے جنتادل (ایس) کی کوششوں کو ناکام بنانے کیلئے انہوں نے سبھی قائدین کو ابھی سے انتخابات کی تیاریوں میں لگ جانے کا مشورہ دیا۔ ریاستی حکومت کی طرف سے پچھلے پانچ سال کے دوران عوام کی فلاح وبہبود کیلئے جن اسکیموں کا نفاذ کیا گیا ان کی بڑے پیمانے پر تشہیر کرنے اور اس سے عوام کو ہونے والے فوائد سے بھی آگاہ کرانے پرزور دیتے ہوئے راہول گاندھی نے وزیراعلیٰ سدرامیا کو مشورہ دیا کہ انتخابی منشور میں اور بھی چند نئی نئی اسکیمیں شامل کی جائیں جس سے سماج کے کمزور اور مظلوم طبقات کو فائدہ پہنچ سکے۔ پارٹی اور لیڈروں پر عوام نے جو اعتماد کررہے ہیں اس کو اور مضبوط کرنے کی ضرورت پر زور دیتے ہوئے راہول گاندھی نے کہاکہ کرناٹک میں 150 سے زائد سیٹوں پر کامیابی حاصل کرنے کا بی جے پی نے جو دعویٰ کیا ہے اسے قطعاً پورا ہونے نہ دیا جائے۔ کل طلب کی گئی میٹنگ میں وزیراعلیٰ سدرامیا اور ڈاکٹر جی پرمیشور کے علاوہ اے آئی سی سی جنرل سکریٹری انچارج برائے کرناٹک کے سی وینو گوپال، آسکر فرنانڈیز ، ڈی کے ہری پرساد ، وزیر برائے ترقیات بنگلور کے جے جارج ، کے پی سی سی کارگذار صدور دنیش گنڈو راؤ ، ایس آر پاٹل اور دیگر موجود تھے۔ میٹنگ میں کے پی سی سی انتخابی مہم کمیٹی کے چیرمین ڈی کے شیوکمار موجود نہیں تھے۔ ان کے حلقہ میں پہلے ہی طے شدہ پروگرام کے سبب وہ حاضر نہیں ہوپائے۔27؍ جنوری سے راہول گاندھی کرناٹک کے سہ روزہ دورہ پر آرہے ہیں ، میٹنگ کے دوران دورہ کی تیاریوں پر بھی بات چیت کی گئی۔میٹنگ کے دوران کانگریس صدر نے ریاستی قائدین کو واضح اشارہ دے دیا کہ اگلے انتخابات میں عہدۂ وزیر اعلیٰ کیلئے سدرامیا پارٹی کے امیدوار ہوں گے۔ دیوراج ارس کے بعد ریاست میں بحیثیت وزیراعلیٰ پانچ سال مکمل کرنے والے پہلے وزیر اعلیٰ بننے والے سدرامیا کو کانگریس کے بارسوخ لیڈروں میں شمار کیا جارہاہے۔ پچھلے ایک ماہ سے سدرامیا ریاست کے 120اسمبلی حلقوں کی یاترا پر تھے۔ آج سدرامیا نے اس یاترا کی پیش رفت اور اقتدار پر کانگریس کو برقرار رکھنے کیلئے ریاستی سطح پر ان کی جانب سے جو کوشش کی جارہی ہے اس کی جانکاری راہول گاندھی کو دی۔ عوام کی طرف سے سدرامیا کی یاتراکے دوران جو زبردست ردعمل ظاہر کیاگیا ہے اس کے بارے میں بھی سدرامیا نے راہول گاندھی کو رپورٹ پیش کی۔ اس کے بعد راہول گاندھی نے میٹنگ کے دوران واضح کردیا کہ اس بار انتخابات پارٹی سدرامیا کی قیادت میں ہی لڑے گی۔

ایک نظر اس پر بھی

کاروار بوٹ حادثہ: زندہ بچنے والوں نے کیا حیرت انگیز انکشاف قریب سے گذرنے والی بوٹوں سے لوگ فوٹوز کھینچتے رہے، مدد نہیں کی؛ حادثے کی وجوہات پر ایک نظر

کاروار ساحل سمندر میں پانچ کیلو میٹر کی دوری پر واقع جزیرہ کورم گڑھ پر سالانہ ہندو مذہبی تہوار منانے کے لئے زائرین کو لے جانے والی ایک کشتی ڈوبنے کا جو حادثہ پیش آیا ہے اس کے تعلق سے کچھ حقائق اور کچھ متضاد باتیں سامنے آرہی ہیں۔ سب سے چونکا دینے والی بات یہ ہے کہ کشتی جب  اُلٹ ...

گرفتاری کے خوف سے رکن اسمبلی جے این گنیش روپوش

بڈدی کے ایگل ٹن ریسارٹ میں ہوسپیٹ کے رکن اسمبلی آنند سنگھ پر حملہ کرنے والے رکن اسمبلی جے این ۔ گنیش کے خلاف بڑدی پولیس تھانہ میں ایف آئی آر داخل کرنے کی خبر کے بعد سے گنیش لاپتہ ہیں ۔

وسویشوریا یونیورسٹی رجسٹرار پر200کروڑ کے گھپلے کا الزام گورنر نے چھان بین کے لئے وظیفہ یاب جج کو مقرر کیا ۔ تعاون کرنے ملزم کو ہدایت

وسویشوریا ٹکنالوجیکل یونیورسٹی (وی ٹی یو) کے رجسٹرار اب مشکل میں پڑگئے ہیں۔ گورنر واجو بھائی روڈا بھائی والا نے جو یونیورسٹی کے چانسلر بھی ہیں،200کروڑ روپئے تک کے گھوٹالے کی چھان بین کا حکم دیا ہے۔

لنگایت طبقہ کے مذہبی رہنما شیوکمارسوامی کی آخری رسومات ادا، اسلامی تعلیمات اوراردو زبان سے بھی تھی واقفیت

یاست کرناٹک کی ایک عظیم شخصیت، لنگا یت طبقہ کے مذہبی رہنما، شیوکمارسوامی جی کی آج آخری رسومات انجام دی گئیں۔ بنگلورو کے قریب واقع ٹمکورشہرمیں شیوکمارسوامی جی کولنگایت رسومات کے مطابق دفنایا گیا۔ سدگنگا مٹھ میں آج اورکل لاکھوں کی تعداد میں لوگوں نے سوامی جی کا آخری ...

ملک کو ایک باضابطہ دانشمندانہ انتخابی نظام کی ضرورت ہے آئین جمہوریت کی حفاظتی حصار ہے۔ اقلیت واکثریت کے توازن کو برقرار رکھنے پر حامد انصاری کازور

سابق نائب صدر جمہوریہ ہند حامدانصاری نے کہا کہ ملک کو ایک باضابطہ سمجھدار انتخابی نظام کی ضرورت ہے ، شفاف انتخابی ماڈیول کو فروغ کی سمت بھی کوشش ہونی چاہئے ۔