ڈیٹا چوری کے معاملے میں راہل گاندھی نے بی جے پی پر ایک بار پھر حملہ بولا
نئی دہلی ،23؍ مارچ (ایس او نیوز؍آئی این ایس انڈیا)کانگریس صدر راہل گاندھی نے ڈیٹا چوری کے معاملے پر بی جے پی پر آج پھر حملہ بولتے ہوئے کہا کہ حکمراں پارٹی کابینہ وزیر کے ذریعے جھوٹ بلا رہی ہے اور یہ فرضی خبر پھیلارہی ہے کہ کانگریس نے کیمبرج اینیلٹکا کے ساتھ کام کیا تھا۔انہوں نے ٹویٹ کر کہاکہ بی جے پی کی جھوٹ کی فیکٹری جاری ہے۔صحافیوں کی طرف سے یہ بڑی خبر بریک کیا جانا تقریبا طے ہے کہ کس طرح کیمبرج اینیلٹکا (سی اے)کو سیندھ لگانے اور 2012 میں کانگریس کو نقصان پہنچانے کے لئے کوشاں ۔راہل نے کہاکہ بی جے پی اپنے کابینہ وزیر کے ذریعے جھوٹ بلا رہی اور یہ فرضی خبر چلوا رہی ہے کہ کانگریس نے سی اے کے ساتھ کام کیا تھا۔اصلی خبر غائب ہو گئی۔انہوں نے اپنی ٹویٹس کے ساتھ ایک نیوز ویب سائٹ کے اس عنوان کی خبر چلائی۔راز کو فاش کرنے والے نے کیمبرج اینیلٹکا کے ہندوستان کے ساتھ تعلقات ہونے کا انکشاف کیا۔کانگریس اور بی جے پی کے درمیان گزشتہ انتخابات میں برطانوی ڈیٹا فرم کیمبرج اینیلٹکا(سی اے)اور اس کی ہندوستانی شراکت دار کمپنی کی خدمات لیے جانے کے معاملے پر جنگ چھڑی ہوئی ہے۔ یہ کمپنی شک کے گھیرے میں تب آئی جب سوشل میڈیا پلیٹ فارم فیس بک نے اس پر ڈیٹا چوری کا الزام لگایا۔کانگریس نے جہاں بی جے پی پر اس کمپنی کی خدمات لینے کا الزام لگایا ہے وہیں بی جے پی نے یہ کہتے ہوئے جوابی حملہ کیا ہے کہ کانگریس اور اس کے سربراہ نے کمپنی کی خدمات لی تھیں۔