کیا روی شاستری کو قابو میں رکھنے کے لیے ہوئی ہے راہل دراوڑ، ظہیر خان کی تقرری؟

Source: S.O. News Service | By Sheikh Zabih | Published on 12th July 2017, 8:40 PM | اسپورٹس |

نئی دہلی،12؍جولائی (ایس اونیوز/آئی این ایس انڈیا )ہندوستانی کرکٹ ٹیم کے سابق کپتان سورو گنگولی اپنے بیباک انداز اور کپتانی کے جارحانہ طور طریقوں کے لیے کرکٹ کی دنیا میں مشہور ہیں، اور اب ہندوستانی کوچ کے انتخاب میں ان کی دوربینی بھی سب کے سامنے نظر آئی،جب انہیں لگا کہ کوچ کی ریس میں ان کی پسند وریندر سہواگ ٹیم کے پرانے ڈائریکٹرروی شاستری سے پچھڑ گئے ہیں، تو انہوں نے وہ داؤ کھیلا، جس نئے کوچ اور کپتان وراٹ کوہل کو مکمل طور من مانی کرنے کا موقع نہ مل سکے۔

روی شاستری کی کوچ کے طور پر تقرری کے ساتھ ساتھ گیند بازی کوچ کے طور پر ظہیر خان کے نام نے سبھی کو چونکا دیا ہے۔ایسا ہرگز نہیں ہے کہ ظہیر کی قابلیت پر کسی کو شک ہے، لیکن گیند بازی کوچ کے طور پر ان کی تقرری کا اندازہ کسی کو بھی نہیں تھا،ایسا ہی کچھ راہل دراوڑ کی تقرری کے معاملے میں ہوا ہے۔راہل دراوڑ انڈیا-اے اور انڈر- 19ٹیموں کے کوچ ہیں، اور وہ ان عہدوں پر کافی مطمئن بھی ہیں، لیکن انہیں غیر ملکی زمین پر ہندوستانی ٹیم کا بلے بازی کوچ مقرر کیا گیا ہے۔

اب سوال یہ اٹھتا ہے کہ ظہیر خان اور راہل دراوڑ کے ہوتے ہوئے روی شاستری آخر کس حد تک اپنی مرضی سے اپنا کام کر پائیں گے۔اسی سوال کو سمجھتے ہوئے کرکٹ کے ماہر ہرشا بھوگلے نے مائیکرو بلاگنگ ویب سائٹ ٹوئٹر پر لکھا، غیر ملکی دوروں پر ٹیم کا اصلی امتحان ہوتا ہے،جب راہل دراوڑ بلے بازی کوچ ہوں گے اور ظہیر خان گیند بازی کوچ، تو کیا روی شاستری پھر ٹیم ڈائرکٹر ہی رہیں گے؟مانا جا رہا ہے کہ وریندر سہواگ کے کوچ نہیں بن پانے سے سورو گانگولی زیادہ خوش نہیں تھے، اسی لیے راہل دراوڑ اور ظہیر خان کے طور پر یہ دو تقرریاں کی گئی ہیں، تاکہ ٹیم پر روی شاستری کے دبدبے کو روکا جا سکے۔

ایک نظر اس پر بھی

ایڈن گارڈس آئی پی ایل 2018کا بہترین میدان رہا

کولکاتہ نائٹ رائڈرس گرچہ آئی پی ایل فائنل میں نہیں پہنچ سکی ہو لیکن اس کا گھریلو میدان ایڈن گارڈس موجودہ سیشن کا بہترین میدان منتخب کیا گیا۔ہندوستان کے سابق کپتان سوربھ گنگولی نے ایک ٹویٹ میں انکشاف کیا اور میدانی اہلکاروں کا شکریہ بھی دیا۔

آئی پی ایل 2018 : راشد خان کی شاندار کارکردگی ، کولکاتہ کو ہراکر فائنل میں پہنچا سن رائزرس حیدرآباد

آئی پی ایل 2018 کے ایک میچ میں سن رائزرس حیدرآباد نے کولکاتہ نائٹ رائیڈرس کو 13 رنوں سے شکست دیدی ہے اور ساتھ ہی ساتھ آئی پی ایل 2018 کے فائنل میں اپنی جگہ بنالی ہے ۔ فائنل میں اب اس کا مقابلہ چنئی سپرکنگس سے ہوگا ۔ فائنل کا مقابلہ 27 مئی کو ممبئی کے وانکھیڑے میں کھیلا جائے گا۔