پریم لتا اور دیگر 6افراد کے خلاف فوجداری مقدمہ درج کیا جائے۔ ہوناور عدالت کا حکم

Source: S.O. News Service | By Shahid Mukhtesar | Published on 10th February 2018, 9:42 PM | ساحلی خبریں |

ہوناور 10؍فروری (ایس او نیوز)ہوناور جے ایم ایف سی عدالت نے رامچندرا پور مٹھ کے راگھویشورا سوامی کو بلیک میل کرنے کے الزام میں پریم لتا کے علاوہ دیگر 6افراد پر فوجداری(کریمنل) مقدمہ درج کرنے کا حکم سنایا ہے۔

عدالت نے مذکورہ افراد کو آئندہ سماعت کے دوران عدالت میں حاضر رہنے کا حکم دیتے ہوئے سمن بھی جاری کیے ہیں۔یاد رہے کہ پریم لتا نے راگھویشور پر عصمت دری اور جنسی استحصال کا الزام عاید کیا تھا جس کے بعد جوابی شکایت میں پریم لتا اس کے شوہر اور دیگر کچھ افراد پر سوامی کو بلیک میل کرنے سازش کا الزام لگایا گیا تھا۔ اس معاملے کی تحقیقات سی آئی ڈی کو سونپی گئی تھی اور کچھ دن پہلے سی آئی ڈی نے پریم لتا اور دیگر ملزمان کے خلاف ناکافی ثبوتوں کی بات کہتے ہوئے عدالت میں ’بی رپورٹ‘ داخل کردی تھی۔ مگر عدالت نے اس ’بی رپورٹ‘ کو مسترد کردیااورپولیس کونئے سرے سے تحقیقات کے لئے کریمنل مقدمہ درج کرنے کی ہدایت دی ہے۔عصمت دری کے معاملے میں سی آئی ڈی کی طرف راگھویشور سوامی کے خلاف داخل کی گئی چارج شیٹ کو بھی عدالت نے ایک مہینے پہلے مسترد کردیاتھا اور عدالت کو بے قصور قرار دیتے ہوئے عصمت دری کے دو معاملات سے بھی انہیں بری کردیا تھا۔
 

ایک نظر اس پر بھی

کاروار: بارش ہونے پر پہاڑ کھسکنے کا خدشہ : عوام خوف زدہ

ریاست کے ضلع کورگ اور ریاست کیرلا  میں بارش کی وجہ سے جو سنگین حالات پیدا ہونے سے وہاں جو آفت بپا ہوئی ہے وہ تو سب کے سامنے ہے ، یہاں کاروار تعلقہ کے ارگا ، سنکروباگ میں  ایک پہاڑ جیسے تیسے کھود کر   ادھورہ چھوڑ دینے سے خطرے کی گھنٹی بجارہاہے، اب پہاڑ کو نکال باہر کرنے کے دوران ...

کاروارساحل پر بیرونی ریاستوں کی ماہی گیر کشتیاں : ہفتہ بھر سے لنگر ڈالے تمل ناڈو، کیرلا وغیرہ کی بوٹس

بحرہ عرب میں چلنے والی طوفانی موجوں کی تاب نہ لاکر گذشتہ ایک ہفتہ سے پڑوسی ریاستوں کی ماہی گیر کشتیاں کاروار ساحل پر ڈیرہ ڈالے ہوئے ہیں۔ جہاں انہیں کھانے پینے کا انتظام کیاجارہاہے، اسی طرح کاروار بندر گاہ سے پڑوسی ریاستوں کے ماہی گیر اناج وغیرہ خرید کر لے جارہے ہیں۔ کیرلا اور ...

بھٹکل کے قریب منکی میں زمین کو لے کر ایک شخص کاقتل، بیوی زخمی؛ ملزم گرفتار

پڑوسی تعلقہ ہوناور کے منکی میں زمین کے معاملے کو لے کر ایک بھائی نے دوسرے بھائی کا قتل کردیا جبکہ اُس کی بیوی جو بیچ بچائو کرنے کی کوشش کررہی تھی،  زخمی ہوگئی، واردات آج پیر دوپہر کو منکی کے  تالمکّی میں  پیش آئی ۔