مودی حکومت کامتنازعہ رافیل سودا ملک کی سلامتی سے منسلک موضوع پر کانگریس کی10روزہ ملک گیر ہڑتال

Source: S.O. News Service | By Shahid Mukhtesar | Published on 6th September 2018, 11:45 AM | ملکی خبریں |

پٹنہ6؍ستمبر (ایس او نیوز؍یواین آئی) کانگریس کے سینئر لیڈر اور پارٹی کے بہار امور کے انچارج شکتی سنگھ گوہل نے آج کہا کہ مرکز کی نریندر مودی حکومت کے متنازعہ رافیل سودے سے ہوئے کروڑوں روپے کے نقصان کے خلاف ان کی پارٹی آج  سے اگلے دس دن تک ملک کے تمام اضلاع میں ریلی کا انعقاد کرے گی ۔ مسٹر گوہل نے یہاں پریس کانفرنس میں کہا کہ رافیل سودے میں ہوئی بدعنوانی نہ صرف انتخابی معاملہ ہے بلکہ یہ ملک کی سلامتی سے منسلک موضوع ہے ۔ لہٰذا، مودی حکومت کے متنازعہ رافیل سودے سے ہوئے کروڑوں روپے کے نقصان کے خلاف ان کی پارٹی 6ستمبر سے 15 ستمبر تک ملک کے تمام اضلاع میں ریلی نکالے گی۔ انہوں نے کہا کہ اس کرپشن سے ملک کے عوام کو آگاہ کرنے کے لئے عام زبان میں تیار شدہ پمفلیٹ میں انکشاف کیا گیا ہے کہ کس طرح مودی حکومت نے ہیلی کاپٹر مینوفیکچرنگ کا کوئی تجربہ نہیں رکھنے والی نئی کمپنی امبانی ایروناٹکس کو کروڑوں روپے کے رافیل لڑاکا طیارے کا ٹھیکہ دلا کرسرمایہ دارانہ نظام کو بڑھا وا دیا اور ملک کو گمراہ کیا۔کانگریس لیڈر نے رافیل سودے کی تحقیقات مشترکہ پارلیمانی کمیٹی (جے پی سی) سے کرانے کا مطالبہ کرتے ہوئے کہا کہ وزیر دفاع رہ چکے مسٹر ارون جیٹلی بھلے ہی اس سودے سے دوری بنا رہے ہوں لیکن وزیر اعظم نریندر مودی خود اس بدعنوانی میں گلے تک ڈوبے ہوئے ہیں ۔ منوہر پاریکر نے وزیر دفاع ہونے کی بجائے ، گوا جیسی چھوٹی ریاست کا وزیر اعلیٰ بننے کو ترجیح دی؟ ۔ ناتجربہ کار مسز نرملا سیتارمن کو ملک کا وزیر دفاع کیوں مقرر کیا گیا؟ انہوں نے کہاکہ ملک گواہ ہے کہ مودی حکومت کے چار سال کی مدت کار میں وزارت دفاع کی ذمہ داری تین مختلف لوگوں کو سونپی گئی۔انہوں نے کہا کہ جیٹلی کو اس سودے میں بدعنوانی کا الزام لگنے پر غیر اطمینان بخش بیان دینے کی بجائے واضح طور پر جواب دینا چاہئے ۔ گوہل نے کہا کہ کانگریس کی متحدہ ترقی پسند اتحاد (یو پی اے ) حکومت نے 126 لڑاکا طیارے خریدنے کیلئے 526.10کروڑ روپے کے رافیل سودے پر دستخط کئے تھے۔ اس معاہدے کے تحت 18 لڑاکا طیاروں کی تیاری فرانس میں ہونی تھی جبکہ باقی کو ٹیکنالوجی کی منتقلی کے بعد ہندوستان ایروناٹکس لمیٹڈ (ایچ اے ایل) کی یونٹ میں بنایا جانا تھا۔ لیکن، جب مرکز میں نریندر مودی کی حکومت بنی تو فرانس کے ساتھ ہوئے معاہدے کے تحت صرف 36 جنگی طیاروں کی قیمت 60145 کروڑ تک پہنچ گئی۔

تمام طیارے اب فرانس میں ہی تیار ہوں گے : کانگریس لیڈر نے مودی حکومت سے ہر طیارے کی قیمت ظاہر کرنے کا مطالبہ کرتے ہوئے کہا کہ حکومت ملک کی سلامتی کا حوالہ دے کر اس بارے میں جواب دینے سے انکار نہیں کر سکتی۔ انہوں نے طنز کستے ہوئے کہا کہ اگر رافیل سودے ظاہر کرنے سے قومی سلامتی خطرے میں پڑ جائے گی تو بھارتیہ جنتا پارٹی کو بوفورس سودا کیس کے خلاف بولنے سے پہلے اس پر سوچنا چاہیے تھا۔ انہوں نے کہا کہ آدھا سچ بولنے کی مودی کی عادت رہی ہے اور جب کوئی حقائق کا انکشاف کرنے کی کوشش کرتا ہے تو اسے پریشان کیا جاتا ہے ۔ مسٹر گوہل نے الزام لگاتے ہوئے کہا کہ وزیر اعظم مودی کے 10 اپریل 2015 کو فرانس میں 36 رافیل لڑاکا طیارے خریدنے کا اعلان کرنے سے محض دس دن پہلے ہی ریلائنس ڈیفنس نام کی کمپنی بنائی گئی تھی۔

ایک نظر اس پر بھی

مختارعباس نقوی نے کیا ہندوستان کے بین الاقوامی تجارتی میلے میں ہنر ہاٹ کا افتتاح

اقلیتی امورکے مرکزی وزیر مختار عباس نقوی نے آج نئی دہلی کے پرگتی میدان میں ہندوستان کے بین الاقوامی تجارتی میلے میں ہنرہاٹ کا افتتاح کیاہے۔جوکاریگروں اور دستکاروں کوبااختیار بنانے کے لیے ایک معتبربرانڈبن گیاہے۔ ہنرہاٹ کااہتمام14 نومبر سے 27 نومبر 2018 کے دوران کیا جارہا ...

بھارت۔ تائیوان ایس ایم ای ترقیاتی فورم تائیپی میں شروع 

vایم ایس ایم ای کے سکریٹری ڈاکٹر ارون کمار پانڈا 13 سے 17 نومبر 2018 تک چلنے والے بھارت 150 تائیوان ایس ایم ای ترقیاتی فورم کے اجلاس میں بھارتی وفد کی قیادت کررہے ہیں۔ فورم میں کل اپنے افتتاحی کلمات میں ڈاکٹر پانڈا نے کہا کہ بھارت میں ایم ایس ایم ای کی پوزیشن کلیدی اہمیت کی حامل ہے

گری راج سنگھ کے ہاتھوں ایم ایس ایم ای کے پویلین کاافتتاح

ایم ایس ایم ای کے وزیر مملکت گری راج سنگھ نے آج نئی دہلی میں 38 ویں بھارت۔بین الاقوامی تجارتی میلے (آئی آئی ٹی ایف) میں ایم ایس ایم ای کے پویلین کا افتتاح کیا۔ اس موقع پر تقریر کرتے ہوئے وزیر موصوف نے کہا کہ معیاری سازوسامان کی تیاری اور گاوؤں کی صنعتوں کی جامع ترقی ملک کی ترقی میں ...

ریرا صنعت میں مثبت تبدیلی پیدا کررہا ہے:ہردیپ سنگھ پوری 

ہاؤسنگ اور شہری امور کے مرکزی وزیر مملکت (آزادانہ چارج) ہردیپ سنگھ پوری نے کہا ہے کہ ریرا (آر ای آر اے) کے اس نئے دور میں ہم صنعت میں مثبت تبدیلی کا مشاہدہ کررہے ہیں۔ انہوں نے کہا کہ ریرا کے نفاذ کے دوسرے سال میں مجھے خوشی ہے کہ 6 شمال مشرقی ریاستوں اور مغربی بنگال کو چھوڑ کر تمام ...

ہرسمرت کور بادل نے میسرس پائتھن میگافوڈ پارک کا افتتاح کیا 

خوراک کو ڈبہ بند کرنے کی صنعتوں کی مرکزی وزیر محترمہ ہرسمرت کور بادل نے آج مہاراشٹر کے اورنگ آباد ضلع میں دوسرے میگافوڈ پارک کاافتتاح کیا۔ میسرس پائتھن میگافوڈ پارک پرائیویٹ لمیٹیڈ کے ذریعے یہ پارک پرموٹ کیا گیا ہے۔ یہ پارک اورنگ آبادضلع کے پائتھن تعلقہ میں واہے گاؤں اور دھن ...

بھارتی بحریہ نے مالدیپ کی کوسٹ گارڈ کے جہاز ’’ہوراوی‘‘ کی مرمت مکمل کی 

مالدیپ کے کوسٹ گارڈ کے جہاز ’’ہوراوی‘‘ کی مرمت کا کام وشاکھا پٹنم میں بحریہ کے ڈاک یارڈ میں کامیابی سے مکمل کرلیا گیا اور جہاز کوباضابطہ طور پر مالدیپ کی کوسٹ گارڈ کے کمانڈنگ افسر میجر محمد جمشید کو سونپ دیا گیا۔ ہوراوی جہاز کو سونپنے کے لئے آج ایک تقریب کا اہتمام کیا گیا ...