نڈال کو18 سالہ ڈینس کے خلاف حیران کن شکست

Source: S.O. News Service | By Shahid Mukhtesar | Published on 12th August 2017, 4:51 PM | اسپورٹس |

مونٹریال،12/اگست (ایجنسی)فرنچ اوپن چیمپئن رافل نڈال کا رواں ہفتہ دوبارہ نمبر ایک مقام حاصل کرنے کا خواب 18 سالہ کنیڈا کے ٹینس اسٹار ڈینس شاپولوف نے راجرس کپ کے تیسرے راونڈ میں چکنا چور کردیا کیونکہ رواں ٹورنمنٹ کے سیمی فائنل میں رسائی کے ساتھ ہی نڈال اینڈی مرے سے نمبر ایک مقام حاصل کرسکتے تھے لیکن راجرس کپ کے تیسرے راؤنڈ میں پہلے سٹ میں کامیابی کے باوجود نڈال کو 6-3 ‘4-6 ‘6-7(4) کی ناکامی برداشت کرنی پڑی۔ شکست کے بعد نڈال نے کہا کہ حریف کھلاڑی نے ایک شاندار مظاہرہ کیا ہے اور ان میں بڑے کھلاڑی کا اعزاز حاصل کرنے کی تمام صلاحیتیں موجود ہیں۔دوسری جانب نڈال کے خلاف کامیابی کو ڈینس نے اپنی زندگی کا خواب کی تکمیل قراردیا ہے۔قبل ازیں ڈینس نے گذشتہ مقابلے میں 2009 یوایس اوپن چمپئن یان مارٹن ڈیل پوٹرو کو شکست دی ہے۔ قبل ازیں ومبلڈن میں کوئی سٹ گنوائے بغیر خطاب حاصل کرنے والے راجر فیڈرر کو اسپنی کھلاڑی ڈیوڈ فیرر کیخلاف کامیابی کیلئے تین سٹوں کی محنت کرنی پڑی تاہم فیڈرر نے ناقص شروعات کے باوجود 4-6 ‘6-4 ‘6-2 کی کامیابی حاصل کرتے ہوئے کوارٹر فائنل میں رسائی حاصل کرلی ہے جہاں انکا مقابلہ اسپین کے دوسرے کھلاڑی روبرٹوبوٹسٹا سے ہوگا جنہوں نے سخت مقابلے میں فرانس کے موفیلس کو4-6 ‘7-6(5) ‘7-6(2) کی شکست دی۔ایک اور کوارٹر فائنل میں کیون اینڈرسن کا مقابلہ الگزینڈرزیروف سے ہوگا۔

ایک نظر اس پر بھی

وارنر آسٹریلیا ،انگلینڈ ون ڈے سیریز میں کمنٹری کریں گے

ایک برس کی پابندی کا شکار آسٹریلوی کرکٹر ڈیوڈ وارنر آسٹریلیا اور انگلینڈ کی ٹیموں کے درمیان ہونے والی ون ڈے سیریز میں کمنٹری کریں گے۔ڈیوڈ وارنر سمیت اسٹیو اسمتھ اور کیمرون بین کرافٹ بال ٹیمپرنگ ایشو میں پابندی کا سامنا کر رہے ہیں۔

شکیب الحسن نے انٹرنیشنل کرکٹ میں سنگ میل عبور کر لیا

بنگلہ دیش کے اسٹار کرکٹر شکیب الحسن نے اپنے انٹرنیشنل کرکٹ کیریئر میں 500 وکٹیں مکمل کرلیں، شکیب الحسن ٹیسٹ، ون ڈے اور ٹی ٹوئنٹی تینوں فارمیٹس میں 10ہزار سے زائد رنز اور 500 یا زائد وکٹیں لینے والے دنیا کے تیسرے آل راونڈر بن گئے۔

مصر کے شائقین کو زخمی صلاح سے کافی امیدیں

مصر کے سپر اسٹار فٹ بالر محمد صلاح نے ورلڈ کپ کی فائنل ٹریننگ میں بھرپور شرکت کی، وہ پر امید ہیں کہ میگا ایونٹ کے پہلے میچ میں یوروگوائے کے خلاف ایکشن میں ہوں گے ۔