اُڈپی: افطار کوٹا کے انعقاد پر سوامی جی کا شکریہ اداکرنے شری کرشن مٹھ پہنچے وزیر روشن بیگ
اُڈپی:24/جولائی (ایس اؤنیوز)ریاستی کابینہ کے وزیر برائے شہری ترقیات اور حج روشن بیگ نے پیر کو اُڈپی کے مشہور شری کرشنا مٹھ میں مٹھ کے سوامی شری وشو تیرتھ پیجاور سوامی جی سے ملاقات کرتے ہوئے آشیرواد لیا۔
اس کے بعد خطاب کرتے ہوئے وزیر روشن بیگ نے کہاکہ سوامی جی کا ہم سب بڑا احترام کرتے ہیں، پچھلے 20 سالوں سے ان سے ایک تعلق ہے ، سوامی جی کی طرف سےماہ ِ رمضان میں افطارکوٹا منعقد کئے جانے پر طبقہ کی طرف سے ان کا شکریہ اداکرنے ان کے ہاں پہنچا اور ملاقات کے دوران ان سے خواہش کی کہ ساحلی اضلاع میں امن و شانتی اور یک جہتی اور بھائی چارگی کی فضا قائم ہونے کے لئے پرارتھنا کریں۔ انہوں نے بتایا کہ مٹھ میں افطار کوٹا کو لے کر تنازعہ نہیں کرنا تھا، سوامی جی ہی نہیں ، روس کے وزیراعظم ، کینڈا کے وزیراعظم بھی افطار پارٹیوں کا اہتمام کرتے ہیں، اگر کوئی ہندو مذہبی پیشوا افطار پارٹی کا اہتمام کرتے ہیں تو ہمارے مذہبی پیشوا انہیں دیوالی کے دوران کھانے پر مدعو کریں تاکہ آپسی میل جول، یک جہتی ، بھائی چارگی کو پروان ملنے کی بات کہی۔
ساحلی اضلا ع میں ایسے مزید افطار کوٹا کی ضرورت ہے ، اس سلسلے میں تنازعات کھڑے ہونا عام بات ہے ، بھگوان انہیں اچھی عقل دینے کی میں بھی پرارتھنا کرنے کی بات کہی۔
وزیر اعلیٰ سدرامیا نے ریاست میں بجرنگ دل اور ہندوتوا افسران کے خلاف سخت کارروائی کرنےکے متعلق جاری کئے بیان پر اخبارنویسوں نے پوچھا کہ کیا یہ سب وینوگوپا ل کو ریاست کا نگراں بنانے کے بعد ہونے والی تبدیلیا ں ہیں تو وزیر نے کہاکہ نہیں یہ وزیراعلیٰ سدرامیا کے بنیادی سوچ اور خیالات کا مظہرہے، آج بھی اسی فکرکے ساتھ کاربند رہنے کی بات دہرائی ہے۔ وزیر موصوف سے ملاقات پر سوامی جی نے کہاکہ یہ ایک خیر سگالی کی ملاقات تھی ، ماہ رمضان میں افطار کوٹا کے انعقاد پر انہوں نے خوشی کا اظہار کیا ہے ، ہم کیا کررہے ہیں کئی لوگوں کو سمجھ میں نہیں آتا، اس کو سیاسی نظریہ سے دیکھنا غلط ہے ، ہم صرف ایک اچھے مقصد کی خاطر یہ پروگرام کئے تھے، مذاہب کے درمیان یک جہتی پیدا ہوتی ہے تو کئی مسائل سلجھ جائیں گے ۔ اس موقع پر ریاستی اقلیتی بورڈ کے صدر ایم اے غفور، اُڈپی شہری ترقیات بورڈ کے صدر نرسمہا مورتی وغیرہ موجود تھے۔