مینگلور کے قریب بنٹوال میں سسر کے ہاتھوں داماد کا قتل
مینگلور 2؍جون (ایس او نیوز)شراب کے نشے میں دھت ہوکر آپس میں جھگڑنے کے بعد ایک 70سالہ شخص نے اپنے ہی داماد کا قتل کرڈالا یہ واردات مینگلور کے قریب بنٹوال تعلقہ میں سنیچر کو پیش آئی۔ہلاک ہونے والے شخص کی شناخت رامانندا (۵۲) کی حیثیت سے کی گئی ہے۔جبکہ اس کے سسر کا نام امنّا پجاری ہے جس کے ہاتھوں رامانندا کا قتل ہوا ہے۔
بتایا گیا ہے کہ سسر اور داماد کے درمیان کچھ دنوں سے کسی مسئلے پر بحث و تکرار چل رہی تھی۔اسی جھگڑے میں امنّا پجاری نے رامانندا کو اس وقت قتل کردیا جب گھر پر وہ دونوں تنہا تھے۔جب رامانندا کی بیوی موہنی اپنے کام سے واپس لوٹی تو اس نے دیکھا کہ اس کے شوہر کی لاش گھر کے پاس ایک گڈھے میں پڑی ہوئی ہے۔جبکہ ملزم امنّا کو بھی کچھ چوٹیں آئی تھیں جسے علاج کے لئے اسپتال میں داخل کردیا گیا ہے۔