کوانٹکو نامی امریکن افسانوی ایف بی آئی شو میں ایک ہندوستانی کو دہشت گرد دکھانے پر پرینکا چوپڑہ کو مانگنی پڑی معافی

Source: S.O. News Service | By I.G. Bhatkali | Published on 10th June 2018, 1:03 PM | ملکی خبریں | عالمی خبریں |

ممبئی 10/جون (ایس او نیوز) بالی ووڈ اداکارہ پرینکا چوپڑا کو امریکہ کے ایک افسانوی ایف بی آئی  ’ کوانٹیکو‘ شو  میں ایک ہندوستانی  کو دہشت گرد دکھائے جانے کو لے کر کافی مخالفت کا سامنے کرنے کے بعد اخر میں معافی مانگنی پڑی ہے۔

واضح رہے کہ پرینکا چوپڑا کے شو ’ کوانٹیکو 3 ‘ کے اپیسوڈ ’ دی بلڈ آف رومیو‘ میں  ایک ہندوستانی شہری  کو دہشت گرد دکھایا گیا، جس کے بعد ہندوستانی عوام نے ان کی سخت مخالفت کی۔ سوشل میڈیا پر مسلسل ہو رہی مخالفتوں کے بعد پرینکا چوپڑا نے اس معاملہ پر صفائی پیش  کرتے ہوئے  ٹویٹ کر کے کہا کہ کسی کے بھی جذباتوں کو نقصان پہونچانے کا ان کا کوئی ارادہ  نہیں تھا۔ ’ کوانٹیکو‘ کے حالیہ ایپی سوڈ سے کچھ لوگوں کے جذباتوں کو ٹھیس پہونچی ہے۔ میرا نہ تو لوئی ایسا ارادہ تھا اور نہ ہوگا۔ میں معافی مانگتی ہوں۔ مجھے ہندوستانی ہونے پر فخر ہے اور ہمیشہ رہے گا۔

 کوانٹیکو نامی ایک افسانوی شو  کے بارے میں بتایا گیا ہے کہ اس میں ایک ہندوستانی شہری کو منہتن میں دہشت گرد حملہ کرنے کا منصوبہ بناتے ہوئے دکھایا گیا ہے جو یہ حملہ کرکے  ایک پاکستانی  کے سر الزام باندھنے کے فراغ میں رہتا ہے، مگر اُس سے پہلے ہی ایف بی آئی ایجنٹ پرینکا چوپڑا اُسے دھر لیتی ہے اور اُس کے منصوبہ  کا  پردہ فاش کردیتی ہے۔

اس شو کے بعد شدت پسند تنظیموں کے کارکنوں نے ہندوستانی ایکٹریس پرینکا چوپڑہ کو اپنی سخت تنقید کا نشانہ بناتے ہوئے سوال کیا کہ کیا وہ جانتی نہیں کہ دہشت گرد صرف مسلمان ہوتے ہیں ؟ واضح رہے کہ  اس طرح کے  شدید ردعمل کو دیکھتے ہوئے   پہلے ABC نیٹ ورک نے  معافی مانگی ، جس کے بعد پرینکا چوپڑا نے بھی معافی مانگ لی۔

اے بی سی نٹ ورک کے پروڈیوسر نے اس تعلق سے بتایا کہ شو میں اداکاری کرنے والوں  پر الزام تراشی  نہیں کرنی چاہئے  کیونکہ شو کا کنٹرول اداکارہ کے اختیار میں نہیں ہوتا۔

خیال رہے کہ  پرینکا چوپرہ پہلی ہندوستانی اداکارہ ہے جنہیں  امریکن ٹی وی سریلس میں اہم  رول  ادا کرنے کا شرف حاصل ہوا ہے۔ وہ  اس سیریل میں ایف بی آئی کی ایجنٹ کا کردار نبھارہی ہیں۔

ایک نظر اس پر بھی

عام آدمی پارٹی اور مرکزی سرکار کی کھینچا تانی۔اپوزیشن کا تیسرامحاذ ہورہاہے مستحکم

دہلی میں حکومت چلانے کے لئے آئی اے ایس افسران کی طرف سے عدم تعاون کو مسئلہ بناکر دہلی کے وزیر اعلیٰ اروند کیجریوال نے لیفٹننٹ گورنرانیل بیجال کے دفتر میں جو دھرنا دے رکھا ہے اس کی حمایت میں چار غیر بی جے پی ریاستوں کے وزرائے اعلیٰ نے حمایت کا مظاہرہ کیا ہے۔

جموں کشمیر میں رمضان کے مقدس مہینے میں دہشت گردوں نے کیا اورنگ زیب کو شہید

رمضان کےمقدس مہینے میں جموں وکشمیر میں دہشت گردوں نے اغوا کرنے کے بعد فوج کے جوان اورنگ زیب کا قتل کردیا ۔ ہفتہ کو اورنگ زیب کی موت سے پہلے کا ایک مبینہ ویڈیو سوشل میڈیا پر جاری کیا گیا ، جس ویڈیو میں فوجی جوان سے پوچھ گچھ کی جارہی ہے۔

مدھیہ پردیش میں بی جے پی کی حالت خراب، شیوراج نہیں ہوں گے چہرہ

مدھیہ پردیش میں بی جے پی کی حالت خراب ہے، اقتدار مخالف لہر ہر طرف نظر آرہی ہے، لہذا اب انتخابی چہرہ شیوراج نہیں ہوں گے اور کم از کم 130 موجودہ بی جے پی ممبران اسمبلی کے ٹکٹ کاٹے جائیں گے، اتنا ہی نہیں کانگریس کو کمزور سمجھنے کی بھول کرنے والوں کو منہ کی کھانی پڑے گی، یہ پیغام کسی ...

ممبئی میں عیدالفطر مذہبی جوش وخروش سے منائی گئی ، عروس البلاد میں جشن کا ماحول

 ممبئی میں چاند کی عام رویت ہونے کے بعد سے عروس البلاد میں جشن کا سماں بندھ گیا اورسنیچر کی صبح شہر بھر کی مساجد میں فرزندان توحید نے نماز دوگانہ اداکی اور اپنے رب کے حضور سجدہ شکر اداکیا کہ ماہ صیام کے دوران اُس نے روزہ رکھنے اور مختلف عبادات کی توفیق عطا کی ۔