بین الاقوامی سول ایوی ایشن تنظیم نے قطری درخواست مسترد کردی

Source: S.O. News Service | Published on 1st August 2017, 9:30 PM | خلیجی خبریں |

دبئی،یکم اگست(ایس او نیوز/آئی این ایس انڈیا)بین الاقوامی سول ایو ایشن آرگنائزیشن نے قطر کی جانب سے بائیکاٹ کرنے والے چار عرب ملکوں کی مذمت کے مطالبے پر مبنی درخواست مسترد کر دی ہے۔بین الاقوامی فضائی حقوق کی ضامن تنظیم ایکاؤ کا ایک اہم اجلاس گذشتہ روز ہوا جس میں قطر کی طرف سے دی گئی درخواست پر غور کیا گیا۔ اس درخواست میں ایکاؤ سے کہا گیا تھا کہ وہ چار عرب ممالک کی طرف سے قطر کے سفارتی اور اقتصادی بائیکاٹ کی مذمت کرے، تاہم تنظیم نے عرب ملکوں کی مذمت کا مطالبہ مسترد کردیا ہے۔
خیال رہے کہ سنہ 1944ء کو قائم کی جانے والی اس تنظیم کے آرٹیکل 54 کے تحت رکن ممالک کی طرف سے دی کسی بھی درخواست پر غور کے لیے خصوصی اجلاس بلایا جاسکتا ہے۔ قطر اور اس کا بائیکاٹ کرنے والے چار رکنی عرب اتحاد اس تنظیم کا حصہ ہیں۔
گذشتہ روز ایکاؤ کے اجلاس میں سعودی عرب کی جانب سے سول ایو ایشن اتھارٹی کے چیئرمین عبدالحکیم بن محمد التمیمی کی قیادت میں ایک وفد نے شرکت کی۔اجلاس کے افتتاحی سیشن سے خطاب کرتے ہوئے تنظیم کے چیئرمین نے کہا کہ ایکاؤ سیاسی تنازعات اور تکنیکی امور کو الگ الگ انداز میں ڈیل کرتی ہے۔ تنظیم سیاسی نوعیت کے تنازعات میں غیر جانب دار ہے۔اس کے بعد قطری وزیر برائے فضائی نقل وحمل نے خطاب کیا جس میں انہوں نے سعودی عرب، متحدہ عرب امارات، مصر اور بحرین پر مشتمل اتحاد کو کڑی تنقید کا نشانہ بنایا۔قبل ازیں چاروں ملکوں نے قطر کے ساتھ نرمی کا مظاہرہ کرتے ہوئے اس کے ہوائی جہازوں کو خلیج اور مصر کی طرف سے نو فضائی روٹس استعمال کرنے کی اجازت دی ہے۔
 

ایک نظر اس پر بھی

سعودی کے نئے قانون سے ہندوستانی عوام سخت پریشان؛ 15 ماہ میں 7.2 لاکھ غیر ملکی ملازمین نے سعودی عربیہ کو کیا گُڈ بائی؛ بھٹکل کے سینکڑوں لوگ بھی ملک واپس جانے پر مجبور

سعودی عرب میں ویز ے کے متعلق نئے قانون کا نفاذ ہوتے ہی بھٹکل کے ہزاروں لو گ اپنی صنعت کاری، تجارت اور ملازمت کو الوداع کہتے ہوئے وطن واپس لوٹنے پر مجبورہوگئے  ہیں۔ اترکنڑا ضلع کے اس خوب صورت شہر بھٹکل کے  قریب 5000 لوگ سعودی عربیہ میں برسر روزگار تھے جن میں سے کئی لوگ واپس بھٹکل ...

بھٹکل مسلم جماعت بحرین کا خوبصورت عید ملین پروگرام 

بھٹکل مسلم جماعت بحرین نے 28/جون 2018ء کو عید ملن کی تقریب مشہور ڈپلومیٹ ریڈیشن بلو(Diplomat  Radssion  Blu) فائیو اسٹار ہوٹل میں بنایا۔ محفل کاآغاز تقریباً رات 10بجے عزیزم محمد اسعدابن محمدالطاف مصباح کی خوبصورت قرآن سے ہوا۔ محمد عاکف ابن محمد الطاف مصباح نے قرآن کاانگریزی ترجمہ پیش ...

بھٹکل :صحافتی میدان کے بے لوث اورمخلص خادم  ساحل آن لائن کے مینجنگ ایڈیٹر  ایوارڈ کے لئے منتخب

اترکنڑا ضلع ورکنگ جرنالسٹ اسوسی ایشن کی طرف سے دئیے جانےو الےمعروف ’’جی ایس ہیگڈے  اجِّبل ‘‘ ایوارڈ کے لئے اپنی جوانی کی ابتدائی  عمر سے ہی سوشیل میڈیا کے ذریعے صحافت کی دنیا میں قدم رکھتے ہوئے ایمانداری کے ساتھ قوم وملت کی بے لوث اور مخلصانہ خدمات انجام دینے والے ساحل آن ...

سعودی عرب میں خواتین کی ڈرائیونگ پر پابندی ختم

سعودی خواتین پر لگی ڈرائیونگ  کی پابندی ختم ہوتے ہی خواتین رات کے بارہ بجتے ہی جشن مناتے ہوئے  سڑکوں پر نکل آئیں اور کار میں بلند آواز میں میوزک چلاکر  شہروں کا چکر لگاتے ہوئے اس پابندی کے خاتمے کا خیر مقدم کیا۔

بھٹکل کمیونٹی جدہ کا عید ملن یکم شوال کو تزک و احتشام سے منایا گیا

یکم شوال 15 جون 2018کو  جدہ شہر کے بیچوں بیچ بہت ہی خوبصورت پاریس ہال میں بی سی جدہ کے ممبران کے لئے عید ملن منعقد ہوا. کثیر تعداد میں ممبران اور مہمانان بھی شریک ہوئے. پروگرام کا اغاز مولوی عفان ادیاور کی خوش آواز تلاوت کلام پاک سے ہوا.