امیر قطر الشیخ تمیم کی سعودی ولی عہد کے ساتھ فون پر بات چیت، مذاکرات کی خواہش کا اظہار

Source: S.O. News Service | By Shahid Mukhtesar | Published on 9th September 2017, 9:27 PM | خلیجی خبریں |

دوحہ،9؍ستمبر(ایس او نیوز؍آئی این ایس انڈیا)قطر کے امیر الشیخ تمیم بن حمد آل ثانی نے سعودی عرب کے ولی عہد نائب وزیراعظم ووزیردفاع شہزادہ محمد بن سلمان بن عبدالعزیز آل سعود سے ٹیلیفون پر رابطہ کیا ہے۔ جمعہ کے روز ولی عہد کے ساتھ بات چیت میں امیر قطر نے تمام تنازعات اور اختلافات مذاکرات کی میز پرحل کرنے کی خواہش کا اظہار کیا۔ امیر قطر کا کہنا تھا کہ ان کا ملک بائیکاٹ کرنیوالے چار ممالک کے اعتراضات دور کرنے اور مشترکہ مفادات کے تحفظ کی ضمانت پر بات چیت کے لیے تیار ہے۔ رپورٹ کے مطابق سعودی ولی عہد شہزادہ محمد بن سلمان نے امیر قطر کے فون کا خیر مقدم کیا اور ان کی جانب سے بات چیت کے ذریعے تمام مسائل کے حل پرآمادگی کو سراہا۔

دونوں رہنماؤں کے درمیان طے پائے والے مفاہمتی امور کی تفصیلات جلد سامنے آجائیں گی۔سعودی پریس ایجنسی کے مطابق امیر قطر اور ولی عہد کے درمیان ہونے والی بات چیت کے حوالے سے سعودی عرب متحدہ عرب امارات، بحرین اور مصر کو اعتماد میں لے گا۔قبل ازیں امریکی صدر ڈونلڈ ٹرمپ نے بھی امیر قطر پر ریاض سربراہ کانفرنس میں دہشت گردی کے خلاف طے پائے والے نکات پرعمل درآمد پر زور دیا تھا۔وائٹ ہاؤس کی جانب سے جاری کیے گئے ایک بیان میں کہا گیا ہے کہ صدر ڈونلڈ ٹرمپ نے امیر قطر سے ٹیلیفون پر بات کرتے ہوئے ان پر دہشت گردی کے خلاف جنگ میں موثر کردار ادا کرنے، دہشت گردی کی مالی معاونت روکنے اور انتہا پسندانہ نظریات کے خلاف مل کر لڑنے کی ضرورت پر زور دیا۔

جمعرات کو امریکا کے دورے کے دوران امیر کویت الشیخ صباح الاحمد الصباح نے ایک پریس کانفرنس میں کہا تھا کہ قطر دہشت گردی کے خلاف یکساں موقف رکھنے والے چار عرب ممالک کے تمام 13مطالبات پرعمل درآمد کے لیے بات چیت پر تیار ہے۔امیر کویت نے خلیجی بحران کو جلد از جلد حل کرنے کی ضرورت پر زور دیا۔ ان کا کہنا تھا کہ کویت قطر کو اس کے تحفظات دور کرنے کے لیے ضمانت دینے پر تیار ہیں۔

ایک نظر اس پر بھی

بحرین کے امیر اسرائیلی بائیکاٹ ختم کرنے کا سوچ رہے ہیں: امریکی یہودی رابیوں کا انکشاف

دو امریکی یہودی رابیوں نے انکشاف کیا ہے کہ بحرین کے امیر اسرائیل کے بائیکاٹ کو ختم کرنے کی سوچ رکھتے ہیں۔ دونوں رابیوں نے یہ انکشاف بحرین کے بادشاہ کے بیٹے کے اعزاز میں دی گئی ایک تقریب میں کیا۔

بهٹکل مسلم جماعت قطر کے لئے عہدیداران کا انتخاب؛ مولانا محمد یحیٰ برماور ندوی صدر اور زُبیر خلیفہ سکریٹری منتخب

کل جمعرات 21 ستمبر رات 10 بجے جناب محمد يحیٰ  برماور ندوی صاحب کی رہائش گاہ پر بهٹکل مسلم جماعت قطر کی پہلی انتظامیہ کی میٹنگ منعقد ہوئی جس میں 1439 - 1440 کیلئے  مولانا محمد یحیٰ برماور ندوی صدر اور جناب محمد زبیر خلیفہ سکریٹری منتخب ہوئے۔

خواتین سے متعلق متنازع بیان دینے والے سعودی عالم کی امامت پر پابندی

سعوی عرب کے علاقے عسیر کے گورنر شہزادہ فیصل بن خالد بن عبدالعزیز آل سعود نے علاقائی افتاء کونسل کے رکن الشیخ سعد الحجری کو خواتین کے بارے میں ایک متنازع بیان دینے کے بعد امامت، خطابت اور تمام دیگر دعوتی سرگرمیوں سے روک دیا ہے۔

قومی دن پر حاکم دبئی کی سعودی قوم اور قیادت کو مبارک باد،ٹویٹر پر سعودی قیادت سے ملاقات کی یادگاری تصاویر پوسٹ

متحدہ عرب امارات کے نائب صدر، وزیراعظم اور حاکم دبئی الشیخ محمد بن راشد آل مکتوم نے سعودی عرب کے قومی دن کے موقع پر مملکت کی قیادت اور پوری قوم کو خلوص دل سے مبارک باد پیش کی ہے۔