قطر پر پابندی سے پریشان ہیں ہندوستانی
دوحہ،7؍جون(ایس او نیوز؍آئی این ایس انڈیا)قطر پر 6 مسلم ممالک کی جانب سے پابندی لگائے جانے کے بعد ہندوستان کو وہاں رہ رہے 6لاکھ ہندوستانیوں کی فکر ستانے لگی ہے۔نتیجہ ہے کہ ہندوستانی خلیجی ممالک میں امن کا ماحول چاہتا ہے۔قابل ذکر ہے کہ خلیجی ممالک میں تقریبا 70لکھ ہندوستانی رہتے ہیں جو اکثر قطر ایئر ویز کے طیارے کا استعمال کرتے ہیں۔قطر پر پابندی لگنے کے بعد انہیں مشکلات کا سامنا کرنا پڑ رہا ہے، کیونکہ قطر ایئر ویز کی فلائٹ کم از کم 14ہندوستانی شہروں سے براہ راست پرواز دبئی، دوحہ اور کویت جاتی تھی اور ان کا کرایہ کافی کم رہتا تھا۔ایسے میں ہزاروں لوگ اس سے متاثر ہوں گے۔واضح رہے کہ خلیجی ممالک میں ہندوستان کے کئی کروڑپتی تاجروں کی قطر میں کافی سرمایہ کاری ہے۔ایسے میں زمین، ہوا اور سمندر ی حدود بند کرنے سے ان لوگوں کا کافی نقصان ہوگا،یہی وجہ ہے کہ ہندوستان چاہتا ہے کہ اس مسئلہ کا حل نکالا جائے۔