قطری بحران: سعودی اتحادی ممالک قطر سے مشروط مذاکرات پر تیار
دوحہ،31جولائی(ایس او نیوز/آئی این ایس انڈیا): سعودی عرب اور اس کے دیگر تین اتحادی ممالک قطری بحران کے خاتمے کی خاطر مشروط مذاکرات پر رضا مند ہو گئے ہیں۔ سعودی عرب، بحرین، مصر اور متحدہ عرب امارات کے وزرائے خارجہ نے آج بروز اتوار ماناما میں ملاقات کے بعد کہا کہ اگر دوحہ حکومت اعلان کرتی ہے کہ وہ دہشت گردوں کی مالی معاونت اور ہمسایہ ممالک کے اندورنی معاملات میں دخل اندازی کا سلسلہ ترک کرتی ہے تو قطر سے مذاکرات کیے جا سکتے ہیں۔ انہوں نے مزید کہا کہ قطر حکومت تیرہ مطالبات پر سنجیدگی سے ردعمل ظاہر کرے۔ اس ملاقات میں قطر پر اضافی پابندیوں کا کوئی اعلان نہیں کیا گیا۔