سندھو نے ایشیا چمپئن شپ میں ہندوستان کو ہانگ کانگ میں 3-2 کی جیت دلائی

Source: S.O. News Service | By Shahid Mukhtesar | Published on 7th February 2018, 12:23 PM | اسپورٹس |

ایلورسیتار،06؍ فروری (ایس او نیوز؍ آئی این ایس انڈیا) اولمپک سلور میڈلسٹ پی وی سندھو کی قیادت میں ہندوستانی خاتون ٹیم نے ایشیا بیڈمنٹن ٹیم چمپئن شپ میں مثبت آغاز کرتے ہوئے ہانگ کانگ کو 3-2 سے شکست دی۔گرون کی چوٹ کی وجہ سے لندن اولمپکس تمغہ یافتہ سائنا نہوال کے ٹورنامنٹ سے ہٹنے کے بعد سندھو نے اپنی افادیت ثابت کرتے ہوئے پہلے سولو میچ جیتا اور پھر این سکی ریڈی کے ساتھ مل کر جوڑی میں بھی کامیابی حاصل کی۔اتوار کو انڈیا اوپن کے فائنل میں ملی دل توڑنے والی شکست سے ابھرتے ہوئے سندھو نے پہلے سولو میں ہانگ کانگ کی یپ رنگین شیل ین کو براہ راست کھیل میں 21-12 21-18 سے شکست دی۔اشونی پونپا اور پراجکتا ساونت کو حالانکہ پہلے خاتون ڈبلز میں سخت چیلنج پیش کرنے کے باوجود اینج ونگ ینگ اور ینگ اینگا ٹنگ کے خلاف 52 منٹ میں 22-20 20-22 10-21 سے ہار جھیلنی پڑی۔دوسرے سنگل میں نوجوان شری کرشنا پریا کداراولی کو چیگ ینگ میی کو سخت چیلنج دینے کے باوجود 19 -21 21-18 20-22 سے شکست کا سامنا کرنا پڑا جس سے ہندوستان پانچ میچوں کے مقابلے میں 1-2 سے پچھڑ گیا۔سندھو نے اس کے بعد سکی کے ساتھ مل کر ینجی ٹیج یا اور یون ین ینگ کو 21-15 15-21 21-14 سے شکست دے کر ہندوستان کو برابری دلائی۔اب ہندوستان کی جیت کا دارومدار رتوکا شوانی گاڈے پر تھا جنہوں نے تیسرے سولو میں پہلا گیم گنوانے کے بعد زوردار واپسی کرتے ہوئے ینگ برابر یی کو 16-21 21-16 21-13 سے شکست دے کر ہندوستان کو جیت دلائی۔

ایک نظر اس پر بھی

پیر ا ٹیبل ٹینس میں شہرت کی بلندیوں کو چھو رہے ہیں کمٹہ کے نوجوان کھلاڑی ناظم

ہمارے ملک میں نوجوان کھلاڑی زیادہ تر مقبول عام کھیل کرکٹ کی طرف ہی راغب ہوتے ہیں۔ لیکن اس رجحان کے برخلاف ضلع شمالی کینرا کے ایک نوجوان کھلاڑی نے پیرا ٹیبل ٹینس میں نہ صرف دلچسپی لی ہے بلکہ اس میدان میں ریاستی، نیشنل اور انٹرنیشنل سطح پر اپنی صلاحیتوں کا مظاہرہ کرتے ہوئے ...

ہندوستان ہاکی ٹیم نے نیوزی لینڈ کو 4-0سے شکست دے کر کیا سیریز میں وائٹ واش

ہندوستانی مرد ہاکی ٹیم نے آج یہاں نیوزی لینڈ کو تیسرے اور آخری میچ میں 4-0سے شکست کر ٹیسٹ سیریز میں ان کا خاتمہ کیا۔ ہندوستان کے لئے روپندر پال سنگھ (آٹھویں منٹ)، سریندر کمار (15 ویں منٹ)، مندیپ سنگھ(44 ویں منٹ) اور آکاش دیپ سنگھ (60ویں منٹ)نے گول کئے۔