پتور:2سالہ بچہ حادثاتی طور پر تالاب میں گرنے سے ہلاک
پتور29؍نومبر (ایس او نیوز)گھر کے باغیچے میں موجودتالاب میں حادثاتی طورپر گرنے سے ایک 2 سالہ بچہ ہلاک ہونے کی واردات پیش آئی ہے۔ ہلاک ہونے والے بچے کا نام شوریہ بتایا جاتا ہے۔
کہا جاتا ہے کہ یہ بچہ اپنے والدین سدرشن اور اشوینی کے ساتھ بنگلورو میں مقیم تھا۔مگر چھٹیاں گزارنے کے لئے بچے کی ماں اشوینی نے اسے پتور میں واقع اپنے مائیکے میں نانا نانی کے پاس چھوڑا تھا۔ جس د ن یہ حادثہ ہوا شوریہ کو اس کے نانا نے باغ میں گھماپھرا کر واپس گھر میں چھوڑا اورکسی کام سے وہ خود دوبارہ باغ میں چلے گئے۔ گمان کیا جاتا ہے کہ معصوم شوریہ اپنے نانا کے پیچھے پھر سے باغ کا رخ کیا ہوگا اوراس کے بعد حادثاتی طور پر تالاب میں گرنے سے اس کی موت واقع ہوگئی۔اس معاملے میں پتور سٹی پولیس اسٹیشن میں کیس درج کیا گیا ہے۔