اپن انگڈی سینٹ میریس اسکول میں چوری کی واردات

Source: S.O. News Service | By Shahid Mukhtesar | Published on 13th September 2017, 9:16 PM | ساحلی خبریں |

پتور 13؍ستمبر(ایس او نیوز) اپن انگڈی میں واقع سینٹ میریس انگلش میڈیم اسکول میں داخل ہوکر چوروں نے 36ہزار روپے نقد اڑا لئے اوروہ ڈیجیٹل ویڈیو ریکارڈر (ڈی وی آر ) بھی لے گئے ساتھ میں لے گئے جس میں سی سی ٹی وی کیمرے کی فوٹیج تھی۔

چوروں نے دروازے کی کنڈیاں ہیاکسا بلیڈ سے کاٹ کر وائس پرنسپل اور اسکول آفس روم میں داخل ہونے کے بعدمختلف کمروں میں پہنچ کر الماریوں کی تلاشی لی ہے۔ تمام سامان یہاں وہاں بکھیرتے ہوئے ایک الماری سے 30ہزار روپے اور دوسری الماری سے6ہزار روپے اڑالے جانے میں چورکامیاب ہوگئے ۔ پتہ چلا ہے اسکول کے سی سی کیمروں کے کیبل بھی کاٹ دئے گئے ہیں۔ خاص بات یہ ہے کہ چوروں نے نقدی کے سوا اسکول میں موجود بہت سارے کمپیوٹرس اور دوسرے سازوسامان کو ہاتھ بھی نہیں لگایا ہے۔

پتور مضافاتی پولیس سرکل انسپکٹر انیل کلکرنی نے اپنے عملے کے ساتھ جائے واردات پر پہنچ کر معائنہ کیا اور چوری کا معاملہ درج کرلیا ہے۔فورنسک ماہرین اور ڈاگ اسکواڈ کے سہارے سے تحقیقات آگے بڑھائی جارہی ہے۔

ایک نظر اس پر بھی

بی جے پی کارکن کے قتل پر چکمگلور میں حالات کشیدہ 

چکمگلور ٹاؤن میں حالات اس وقت کشیدہ ہوگئے جب بھارتیہ جنتاپارٹی (بی جے پی) کے سٹی یونٹ جنرل سکریٹری محمد انور کو قتل کردیا۔ انور کے بھائی عبدالکبیر کی جنانب سے داخل کردہ ایف آئی آر کے مطابق انور بی جے پی لیڈر رگھوناتھ کے مکان سے واپس لوٹ رہاتھا کہ دو نامعلوم افراد نے ان پر تیز ...

کاسرگوڈ: ٹرین کی زد میں آکر 3سالہ معصوم ہلاک۔ 5سالہ بھائی کی حالت سنگین

کُمبلے میں پیش آنے والے ایک المناک حادثے میں ریلوے ٹریک کے قریب واقع اپنے گھر سے باہر نکلے ہوئے دو معصوم بچے میں ٹرین کی زد میں آگئے جس کی وجہ سے بلال(3سال) کی موت واقع ہوگئی ، جبکہ اس کے دوسرے بھائی اسماعیل(5سال) کوسنگین زخمی حالت میں منگلورو کے ایک اسپتال میں داخل کیا گیا ہے۔

بھٹکل انجمن انجینرنگ کالج کی طالبہ کا میتھس سبجیکٹ میں لگاتار تین سمیسٹرس میں سو فیصد مارکس

بھٹکل انجمن انجینرنگ کالج کی چوتھے سمیسٹر میں زیرتعلیم  طالبہ سنیہا پی نائک  نے لگاتار تین سمیسٹرس میں میتھس سبجیکٹ میں سو نمبرات میں پورے سو نمبرات حاصل کرتے ہوئے نہ صرف کالج میں اول نمبر سے کامیاب ہوئی ہیں بلکہ یونیورسٹی لیول پر بھی اول مقام حاصل کیا ہے

کمٹہ میں تیز رفتار کار کی پولس کرین سے ٹکر؛ ایک خاتون جاں بحق، کئی زخمی

ضلع اُترکنڑا کے  کمٹہ میں ایک تیز رفتار کار ۔ پولس کرین سےٹکراگئی جس کے نتیجے میں کار پر سوار ایک خاتون موقع پر ہی جاں بحق ہوگئی، جبکہ کار پرسوارتین لوگوں کو شدید چوٹیں آئی ہیں۔ حادثہ آج اتوار صبح کمٹہ تعلقہ کے  دیوگی پنچایت حدود کے  تندراکولی نیشنل ہائی وے 66 پر پیش آیا۔

کنداپور میں بے قابو پٹرول ٹینکر سڑک کنارے واقع گھر کے آنگن میں گھس پڑا

ککنجے کراس پر ایک پٹرول ٹینکر بے قابو ہونے اور سڑک کنارے واقع گھر کے آنگن میں گھس پڑنے کا واقعہ پیش آیا ہے۔اطلاع کے مطابق پٹرول سے بھرا ہوا ٹینکر منگلورو سے شیموگہ کی طرف جارہاتھاکہ ہالاڈی کے پاس اچانک ڈرائیور اس پر قابو کھو بیٹھا اور سڑک کنارے پرموجودسبریا اچار نامی شخص کے ...