پتور:17/جون (ایس اؤنیوز)ہندو طاقت اور ہندو ؤں کے جذبات کو دبانےکی کوششیں فرقہ پرست مافیا اور محکمہ پولس کی طرف سے ہورہی ہیں، شرپسندوں کے پیچھے ریاستی حکومت کا راست ہاتھ ہے اور 24جون کو کلڈکا بند کا بی جے پی مکمل حمایت کرنے  کا دکشن کنڑا کے رکن پارلیمان نلین کمار کٹیل نے الزام لگایا۔

وہ یہاں پتور کے بی جے پی دفترمیں اخبارنویسوں سے گفتگوکرتے ہوئے بتایاکہ محکمہ پولس سیاست دانوں کے ہاتھوں ناچ رہاہے، ضلع میں ہندوؤں کے جذبات پر حملہ کرنے والے کام لگاتار انجام دئیے جارہے ہیں،فساد برپاکرنے والے ملزموں کو گرفتارکرنے کے بجائے توازن قائم رکھنے کے لئے معصوم ہندو نوجوانوں کو گرفتار کرکے ان پر غنڈہ ایکٹ جاری کرکے خوف کا ماحول پیدا کئے جانے کا الزام لگایا۔

رکن پارلیمان نلین کمار کٹیل نے علی الاعلان کہاکہ 24جون کو ہندو جاگرن ویدیکے کی طر ف سے اعلان کئے گئے کلڈکا بند کا بی جے پی مکمل حمایت کرے گی اور ہندو سماجی طاقت کو قوت دینے کاکام کرنےکی بات کہی۔ انہوں نے بتایا کہ احتجاج میں بی جے پی کے ریاستی صدر بی ایس یڈیورپا بھی شرکت کریں گے۔ ایم پی نےکہاکہ ریاست میں دن بدن قانونی نظام خراب ہوتاجارہاہے، پولس کے ہاتھ باندھے گئے ہیں، محکمہ میں ایماندار پولس افسران کی موجودگی کے باوجود کچھ نہیں کر پا رہے ہیں۔ پتور دیہی بی جے پی منڈل صدر چنیل تمپا شٹی ، ضلع پنچایت صدر میناکشی شانتی گوڈو موجود تھے۔