پتّور میں قتل کے معاملے میں نامزد ایک ملزم کی خودکشی
پتّور 14؍جولائی (ایس او نیوز) پتور تعلقہ کے کیمانے نامی گاوں میں قتل کے معاملے نامزد ملزم نے تالاب میں کود کر خود کشی کر لی۔ ہلاک ہونے والے شخص کا نام دنیش (35سال) بتایا جاتا ہے جو ماجلاڈکا ہاؤس کا رہنے والا تھا۔
مہلوک دنیش کے بھائی گنگا دھر نے پولیس کے پاس درج اپنی شکایت میں کہاہے کہ اس نے اپنے دوست منوج کے گھر جاکر رات گزارنے کے لئے وہاں قیام کیا اور آدھی رات کو جب گھر کے تمام لوگ سو گئے تو اس نے وہاں پر موجود کاشتکاری کے تالاب میں کود کر خودکشی کرلی۔سبرامنیا پولیس اسٹیشن کے حدود میں ہوئے ایک قتل میں دنیش ملزم تھا اور اس کیس کی سماعت عدالت میں چل رہی تھی۔ دنیش عادی شرابی تھا اور بہت زیادہ مالی پریشانیوں کا شکار تھا۔گمان کیا جاتا ہے کہ انتہائی ذہنی تناؤ کی وجہ سے اس نے اپنی زندگی ختم کرنے کا فیصلہ کیا ہوگا۔
بیلارے پولیس اسٹیشن میں خود کشی کا معاملہ درج کرلیا گیا ہے اور مزید تحقیقات جاری ہے۔