پتور5؍فروری (ایس او نیوز) اپن انگڈی کے پاس بولوار میں واقع ایک گجری کی دکان میں آگ لگنے سے 1لاکھ روپے مالیت کاپلاسٹک سامان جل کر خاکستر ہونے کی اطلاع ملی ہے۔

بتایا جاتا ہے کہ شارٹ سرکیوٹ کی وجہ سے جس دکان میںآگ لگی تھی وہ منصور نامی شخص کی ملکیت تھی۔آتشزدگی کی اطلاع ملنے پر دو فائر انجن موقع پر پہنچ گئے اور آگ پر قابو پانے میں کامیاب ہوئے۔کہا جاتا ہے کہ جس جگہ پر یہ دکان واقع ہے اس کے اوپر سے ہائی ٹینشن الیکٹرک تار گزرتے ہیں۔ قریب میں موجود ایک ناریل کے درخت سے اس کی پتیاں بجلی کے تاروں پر گرنے سے آگ بھڑک اٹھی۔ مقامی افراد کی طرف سے محکمہ بجلی کو فوری طور پر اطلاع دے کر علاقے کی بجلی منقطع کروائی گئی اور اس کے ساتھ ہی فائر بریگیڈ کو بھی طلب کرلیا گیا۔ اس طرح آگ بے قابو ہونے اور اطراف کے گھروں کو نقصان پہنچنے کا خدشہ ٹل گیا۔