کڈبا کے بی جے پی یوتھ لیڈر پر حملہ،حملہ آور گرفتار،ہندتووا تنظیموں کی طرف سے بند کا اعلان

Source: S.O. News Service | By Shahid Mukhtesar | Published on 17th July 2017, 1:04 PM | ساحلی خبریں |

پتور ،17؍جولائی (ایس او نیوز) پتور کے کڈبا علاقے میں بی جے پی یوتھ لیڈر رمیش کلپورے(۴۵سال) پراس وقت کچھ لوگوں نے حملہ کیا جب وہ سوپر مارکیٹ سے سامان خریدنے کے بعد اپنی جیپ کی طرف بڑھ رہا تھا۔

موصولہ رپورٹ کے مطابق جب چار پانچ نوجوانوں کے ایک گروہ نے رمیش پر لکڑے کے تختے سے حملہ کیا تو فوراً وہاں بھیڑ جمع ہوگئی اور حملہ آوروں کو پکڑکر پولیس کے حوالے کیا۔ حملہ آوروں کی شناخت پرکاش، ٹین سن، سنوش، لیجو اور سنتوش کے طور پر کی گئی ہے۔ رمیش کے چہرے اور ناک پر زخم آئے جسے علاج کے لئے اسپتال میں داخل کیاگیا ہے۔

عوام کا کہنا ہے کہ خوش قسمتی سے بھیڑ نے موقع پر ہی حملہ آوروں کو دھر دبوچ لیا ، ورنہ یہ حملہ بھی فرقہ وارانہ رنگ اختیار کرجاتا ۔ لیکن اس حقیقت کے باوجود کہ اس میں فرقہ واریت کی کوئی بات ہے ہی نہیں،پھر بھی بی جے پی اور ہندتوا تنظیموں نے بطوراحتجاج پتو ر بند کا اعلان کردیا۔ پتہ نہیں چل سکا کہ یہ احتجاج آخر کس کے خلاف ہونے جارہا ہے۔ 

کہا جاتا ہے کہ کڈبا پولیس اسٹیشن میں گرفتار شدہ ملزمین اور رمیش کے حامیوں کے بیچ بہت ہی گرماگرم بحث اور تکرار ہوئی اور وہاں حالات کو قابو میں کرنے کے لئے پولیس کو بڑی مشقت کرنی پڑی۔ اس سے لگتا ہے کہ یہ آپسی رنجش اور گروہی تصادم کا معاملہ ہے۔رمیش نے پولیس کے پاس اپنی شکایت میں بتایا ہے کہ حملہ آوروں نے اس کے پاس موجود 55ہزار روپے نقد، ایک سونے کا بریس لیٹ اور موبائل فون چھین لیاہے۔مگر کچھ لوگ اس بات پر تعجب کررہے ہیں کہ جب فوری طور پر موقع پر ہی حملہ آوروں کو بھیڑ نے پکڑ لیا اور پولیس کے حوالے کردیا ہے تو پھرحملہ آور نقدی ، بریس لیٹ اور موبائل وغیرہ چھین لے جانے میں کیسے کامیاب ہوگئے!

ایک نظر اس پر بھی

بھٹکل کمیونٹی جدہ کا 26/اکتوبر کو ہوگا سالانہ جلسہ؛ 2/ نومبر کو انتخابات کا اعلان

جدہ 16/اکتوبر (ایس او نیوز) بھٹکل کمیونٹی جدہ کے انتظامیہ کی دوسالہ میعاد کے تکمیل پر انتظامیہ کو تحلیل کیا گیا ہے، جبکہ دستور کی دفعہ نمبر 6 (ج ۔ 1) کے تحت سبکدوش ہونے والی انتظامیہ میں سے صدر جناب محمد نعمان علی اکبرا، جنرل سکریٹری جناب عُبیداللہ عسکری اور جماعت کے فعال رکن جناب ...

بھٹکلی جماعت المسلمین مینگلور کے سابق صدر اور نہایت سرگرم رکن غیاث الدین صاحب انتقال کرگئے؛ تعزیتی جلسہ میں کئی ایک خوبیوں کا تذکرہ

بھٹکلی مسلم جماعت مینگلور کے سابق صدر اور کم و بیش 25  سال تک جماعت میں رہ کر نہایت سرگرم ہوکر خدمات انجام دینے والے جناب غیاث الدین جوباپو آج پیر صبح قریب سات بجے ایک پرائیویٹ اسپتال میں انتقال کرگئے۔ انا للہ و اناالیہ راجعون ۔ وہ کچھ عرصہ سے علیل تھے اور اسپتال میں ان کا علاج ...

کاروار:تیار کھڑی دھان کی فصل موسلادھار بارش کی نذر: کسان حیران وپریشان

عین فصل کاٹنے کے وقت ہی پچھلے دو دنوں سے برس رہی زوردار بارش سے جہاں عوام خوف زدہ ہیں وہیں کسانوں کے لئے رحمت کے مساوی بارش سے کافی نقصان کا خطرہ محسوس کیا جارہاہے۔ موسلا دھار بارش سے دھان کی فصل کو کافی نقصان ہونےکی اطلاعات موصول ہوئی ہیں۔

بھٹکل:آرایس ایس کیمپ کے اختتام پر شہر میں ریلی

آرایس ایس بنیادی معلومات کیمپ کے اختتام پر پیر کی شام آر ایس ایس ممبران نے شہر میں ریلی نکالی۔شہر کے نیو انگلش اسکول سے نکلی ریلی سونارکیری، آسارکیری ، ماری کٹا، مین روڈ سے گزرے۔ راستہ میں جہا ں تہاں لوگوں نےرنگولی وغیرہ سے ریلی کااستقبال کیا۔ ریلی میں بی جے پی لیڈران سنیل ...