پوتین کا ایردوآن سے اِدلب میں جنگ بندی مؤثر بنانے کا مطالبہ

Source: S.O. News Service | By Jafar Sadique Nooruddin | Published on 3rd December 2018, 2:00 AM | عالمی خبریں |

یونس آئرس: 2/دسمبر (ایس او نیوز/آئی این ایس انڈیا)کرملن ہاؤس کے مطابق روس کے صدر ولادی میر پوتین نے اپنے ترک ہم منصب رجب طیب ایردوآن سے مطالبہ کیا ہے کہ وہ شام کے صوبے ادلب میں جنگ بندی کو دیرپا بنانے کے واسطے ’’زیادہ مؤثر اقدامات‘‘کریں۔پوتین اور ایردوآن کی ملاقات ہفتے کے روز بیونس آئرس میں جی ٹوئنٹی کے سربراہ اجلاس کے ضمن میں ہوئی۔روسی خبر رساں ایجنسی نووسٹی کے مطابق کرملن ہاؤس کے ترجمان دمتری بیسکوف نے باور کرایا ہے کہ مذکورہ اقدامات ضروری ہیں تا کہ ادلب کے پڑوس میں حلب کو زہریلی گیس کے راکٹ گرینیڈز سے نشانہ بنانے جیسے واقعات رونما ہونے سے روکے جا سکیں۔روس اور ترکی کے درمیان 17 ستمبر کو ایک معاہدے طے پایا تھا جس میں شام میں اپوزیشن گروپوں کے آخری گڑھ ادلب میں ہتھیاروں سے پاک علاقہ قائم کرنے پر اتفاق رائے ہوا تھا۔شام میں سات برس سے زیادہ عرصے سے جاری تنازع میں روس بشار حکومت کو سپورٹ کر رہا ہے جب کہ ترکی کی حمایت اپوزیشن گروپوں کو حاصل ہے۔اس معاہدے پر عمل درامد میں مشکلات کا سبب اپوزیشن گروپوں کی جانب سے علاقے کو خالی کرنے سے انکار ہے۔ علاقے میں کئی ہفتوں سے وقفے وقفے سے دہشت گردوں اور شامی حکومت کے درمیان جھڑپیں اور گولہ باری دیکھی جا رہی ہے۔اتوار کے روز روس کی فضائیہ نے ادلب میں کئی علاقوں پر حملے کیے جو کہ گزشتہ دو ماہ سے زیادہ عرصے میں پہلی کارروائی ہے۔ یہ حملے حلب پر شامی اپوزیشن گروپوں کی بم باری کے جواب میں کیے گئے جن کے بارے میں بشار حکومت کا دعوی ہے کہ ان میں زہریلی گیسوں پر مشتمل راکٹ گرینیڈز کا استعمال کیا گیا۔

ایک نظر اس پر بھی

سیٹلائٹ جی سیٹ ۔11کی کامیاب پرواز

ملک کے دیہاتوں اور ناقابل رسائی گرام پنچایتوں میں براڈ بینڈ کے رابطہ کو مستحکم کرنے کے ایک بڑے قدم کے طور پر ہندوستانی خلائی تحقیقی تنظیم (اسرو)کے سب سے بھاری اور جدیہ ترین مواصلاتی سیٹلائیٹ جی سیٹ۔11کو کامیابی کے ساتھ فرنچ گوانا کی خلائی بندرگاہ سے چہارشنبہ کی صبح کی اولین ...

مظاہروں میں تسلسل رہا تو ایمرجنسی پر غور کیا جا سکتا ہے: فرانسیسی حکومت

فرانسیسی حکومت نے واضح کیا ہے کہ بدامنی جاری رہنے کی صورت میں حکومت سرکاری املاک اور عام شہریوں کے جان و مال کے تحفظ کے تناظر میں ایمرجنسی نافذ کرنے پر غور کر سکتی ہے۔ حکومتی ترجمان نے اس صورت حال پر تشویش کا اظہار کیا کہ نقاب پوش نوجوانوں کے گروہوں نے دھاتی سلاخوں اور کلہاڑیوں ...

امریکی نیوی کے اعلیٰ افسر کی بحرین میں پراسرار ہلاکت

امریکی بحریہ کے وائس ایڈمرل اسکاٹ اسٹیرنی بحرین میں مردہ حالت میں پائے گئے ہیں۔ وہ بحرین میں متعین امریکی پانچویں بحری بیڑے کے کمانڈر، مشترکہ سمندری نگرانی کی افواج کے سربراہ اور امریکی سینٹرل کمانڈ کی بحری افواج کے کمانڈر بھی تھے۔ امریکی فوج کے عسکری آپریشنز کے سربراہ ...